پر خپل ژوند واکمن شئ

د ارسطو په نظر موږ ته خپلي موخي لارښوونه کوي،په دي خاطر به تاسو په ژوند کې هله خوشاله او واکمن يئ،چي ټاکلي موخي ولرئ،او هره ورځ کار پري وکړئ،

پريکړه وکړئ،چي دقیقاً څه غواړئ،ويي ليکئ،ناليکلي موخي داسې وي لکه د اور لوګی،يوه شيبه په هوا کي تاو راتاو شي او ورک شي،ناليکلي موخي ګونګي وي ،هيڅ قوت نه لري،او هيڅ اغيز او انرژي پکي نه وي،
خو کومي موخي چي وليکل شي ،تاسو يي ليدلای شئ،لمس کولای يي شئ،لوستلی شئ،او د اړتيا پر وخت بدلون هم پکي راوستلای شئ،
موخو ته وخت وټاکئ،او هغه نیټه وليکئ،چي تاسو تر هغو پوري خپلو موخو ته ځان رسوي،واړه واړه ګامونه او وختونه مشخص کړئ،چي نن په کوم ځای کې يئ،او سبا به کوم ځای ته ځان رسوئ،

ليسټ جوړ کړئ،د هغو کارونو يو ليسټ جوړ کړئ،چي فکر کوئ،خپلو موخو ته د رسيدو لپاره يي کولای شئ،هنري فورډ وايي«لويو موخو ته هم رسيدلي شو ،خو که په کوچنيو کوچنيو ګامونو يي وويشو،

په ژوند کې د ماتي او بري ترمنځ توپير دا دي چې بريالي خلک لومړي ګام پورته کوي،دا عمل پلوي خلک وي،وايي
هغه ځای ته ښه ډاډه ولاړ شه چې بل هيڅوک نه وي تللي ،

بريالي خلک هغه کارونه کوي چې د برياليتوب هيڅ تضمين
يي نه وي،دوي په دي خاطر ماتې او ناکامې ته هم چمتو وي،دوي ټول عمر د ګام اخيستو او عمل کولو پلوي وي،

دستي خپل پلان عملي کړئ،لومړی،دويم ،او بيا دريم ګام واخلئ،روان شئ،بوخت شئ،زر حرکت وکړئ،ځنډ مه کوئ،او ياد ساتئ،نن او سبا کول (ځنډول)يوازي د وخت غلا نه ده د عمر غلا هم ده.