د قوشتپې کانال

دا کانال د افغانستان په دریو ولایتونو بلخ، جوزجان او فاریاب کې تېریږي.
دا کانال ٢٨٦ کیلومتره اوږدوالی، ١٠٢ متره پلنوالی او شاوخوا ٨.٥ متره ژوروالی لري.
دا وخت یاد کانال کې ٣٢٠٠ ماشینری مصروفه دي او تقریباً ٥٥٠٠ کاریګر پکې لګیا دي او زرګونو نورو ته یې په غیر مستقیم ډول د کار زمېنه برابره کړې ده.
دا کانال به د #افغانستان په زراعت کې تاریخي او نه هېرېدونکی بدلون راولي.
شپه او ورځ کار پکې روان دی، چې یو ټیم د سهار له ٧ بجو د مازدیګر تر ٤ بجو او بل ټیم تر سهاره پکې اخته وي.
یاد کانال د #بلخ ولایت په #کلدار ولسوالۍ کې د آمو له سېند څخه رابیلیږي، بیا د حیرتان له اوږدو دښتو څخه تیریږي، مخته بیا د دولت آباد او د جوزجان ولایت د آقچې ولسوالۍ څخه په تیریدلو په درېیم ولایت فاریاب په اندخوی ولسوالۍ کې پای مومي.
د دې کانال د جوړولو طرحه د داود خان په وخت کې جوړه شوې وه او ولسمشر غني یې کارونه پیل کړل ١٣٩٩ کال کې یې د افغانستان ملي شرکت ته د جوړولو امر وکړ په ١٤٠٠ کال کې ٥٠٠ میلیونه ډالر بودیجه ورته پیدا او د کېندلو چارې یې پیل شوې، خو د افغانستان له سقــوط وروسته یې چارې وځنډېدلې، چې د بیا ځل لپاره یې اوسني حکومت افتتاح او چارې یې پیل کړې.
د دې کانال په بشپړېدو به شاوخوا دوه نیم لکو افغانانو ته د کار زمېنه برابره شي او د افغانستان وچې دښتې به زرغون او آباد کړل شي.

———————————————————————————————-