په اعلامیه کې راغلي دي چې په ارومیه زندان کې پنځه تنه بندیان چې په «محاربه» تورن دي نامعلوم ځای ته او د رجایي محبس یو بل بندي بیا له عمومي بند خونې څخه انفرادي بند خونې ته انتقال شوی دی.
د ایران د بشري حقونو سازمان په دغه هیواد کې د روانو اعتراضونو د وژل شوو وروستۍ شمیرې ۴۶۹ تنه اعلان کړي دي. په وژل شوو کې ۶۳ تنه ماشومان، ۹ نجونې او ۳۲ تنه ښځې هم شاملې دي. په اعلامیه کې زیاته شوې ده چې ۳۹ تنه سیاسي بندیان هم د اعدام له خطر سره مخامخ دي.
بل لور ته د بخښنې نړیوال سازمان هم د جمعې په ورځ (د دسمبر میاشتې ۱۶ نیټه) د یوې اعلامیې په ترڅ کې ویلي وو چې د «ساختګي او غیر عادلانه» محاکمې په پایله کې په ایران کې لږ تر لږه ۲۶ تنه د وروستیو مظاهرو په ارتباط د اعدامیدو له خطر سره مخامخ دي.
د ارشاد وزیر: حجاب باید عملي شي
د ایران د ارشاد وزیر محمد مهدي اسماعیلي، د شنبې په ماښام د «صف اول» شبکې د میلمه په توګه د حجاب په مسئله کې خپل دریځ څرګند کړ. هغه وویل «د ایران ټولنه، په ژوره توګه یوه عفیفه یا پاکیزه ټولنه ده او زه کولی شم هغه په ارقامو سره و ښيیم، خو د حجاب مراعاتولو د ډول په هکله له لوړو ژورو سره مخ یو او د عملي کولو په طریقه کې د نظر اختلافات موجود دي.»
د انتخاب انټرنټ پانې د رپوټ پر بنسټ د ارشاد وزیر په دې خپرونه کې وویل: «د لویدیځ په فرهنګي تاریخ کې لوڅوالی شتون لري، خو زمونږ په کلتور او فرهنګي میراث کې حتی تر اسلام مخکې هم د عفاف موضوع شتون درلود.» هغه زیاته کړه: «نن عفاف او حجاب د شرعي حکم تر څنګ یو قانوني حکم دی او باید یې په هیواد کې عملي کړو.»
په ورته وخت کې ایراني چارواکو له یکشنبې څخه تر سه شنبې ورځې پورې په تهران کې ښوونځي رخصت کړي او د سه شنبې ورځې د فوټبال سیالۍ یې هم لغوه اعلان کړي دي. ټاکل شوې وه چې د سه شنبې په ماښام د استقلال او پرسپولیس د فوټبال لوبډلو ترمنځ د تهران په آزادي لوبغالي کې دغه سیالۍ ترسره شي.
د ښوونځیو رخصتول او د فوټبال سیالیو لغوه کول په داسې یو وخت کې صورت نیسي چې ټاکل شوې وه د دسمبر له ۱۹ نیټې څخه تر ۲۲ نیټې پورې د ټول ایران په کچه پراخ لاریونونه ترسره شي.
دویچه ویله
—————————————————————————————————–
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.