د هغه په خبره دغه پېښه د یکشنبې په ورځ سهار وختي هغه وخت رامنځ ته شوه چې بس موټر د پله سر له کټارې سره وجنګید او لاندې ولوېد. ځېنې رپوټونه وايي چې په دغه بس کې ۴۴ او ځينې کې ويل شوي چې ۴۸ مساپر لیږدول کېدل چې درې تنه ېې ژغورل شوي دي. دغه بس شپې له خوا د بلوچیستان مرکز کوېټې او کراچۍ ښار تر منځ لار باندې سفر کاوه.
انجم وويل: «د دې وېره شته چې د بس چلوونکی به ويده شوی وو» او دا هم امکان لري چې د بس چلونکي د سفر پر دغه اوږده لار زیات سرعت درلودلی وي.
د پولیسو دغه افسر زیاته کړه: «موږ به د پېښې د رامنځ ته کېدو د دلایلو په تړاو تحقیقات تر سره کړو.» حمزه انجم وويل چې د مړو جسدونو ډير خراب شوي چې د پيژندلو له پاره به ېې له دې ان ان تيستونو څخه کار واخيستل شي.
د یو بل خبر له مخې د يکشنبې په ورځ (د جنوري ۲۹مه) د پاکستان په شمالغرب کې د یوې کښتۍ د اوښتو په پېښه کې ۱۰ ماشومان مړه شوي دي. د رويټرز خبري آژانس دغه خبر د پاکستان د پولیسو له قوله ورکړی، خو جزئیات ېې نه دي ورکړي.
د لویو لارو خرابوالی، سست محافظتي اقدامات او د موټر چلوونکو بې احتياطي په پاکستان کې د ناوړه ترافيکي پېښو ستر لاملونه ګڼل کيږي.
په بسونو کې معمولا له اصلي ظرفيت څخه ډير کسان ليږدول کيږي او د سفر پر مهال له محافظتي کمربندونو څخه هم استفاده نه کیږي چې د مرګ ژوبلې په ډيرېدو کې مرسته کوي. په دې معنی چې په پاکستان کې هره واحده ترافيکي پېښه معمولا تلفات اړوونکي وي.
په نومبر مياشت کې د پاکستان په جنوب کې يو ژور ګړنګ ته د یو بس د غورځيدو په پېښه کې د ۱۱ ماشومانو په ګډون ۲۰ تنه مړه شول. په اګست کې بیا په ملتان کې یو بس موټر د تيلو له ټانکر سره وجنګيد چې ۲۰ کسان په کې مړه شول. د روغتیا نړيوال سازمان په حواله، ۲۰۱۸م کال په پاکستان کې له ۲۷۰۰۰ ډیر کسان په ترافيکي پيښو کې مړه شوي ول.
دویچه ویله
/////////////////////////////////////////////////
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.