د طالبانو د مالیې سرپرست وزیر د مرکزي بانک رئیس سو

543
6 دقیقې مخکې

د طالبانو د مالیې وزارت ویاند د چهارشنبې په ورځ وویل چې د دې ډلې د مالیې وزارت سرپرست ملا هدایت الله بدري د افغانستان د مرکزي بانک د رئیس په توګه ټاکل شوی دی.

د طالبانو د مالیې وزارت ویاند احمد ولي حقمل رویټرز ته ویلي چې بدري چې په ۲۰۲۱ کال کې د طالبانو له بیا واک ته تر رسیدو وروسته د مالیې وزارت مشري او د بودیجې څارنه یې کوله، لا دمخه په مرکزي بانک کې په دنده لاس پورې کړی دی.

د دې ګومارنې لامل او دا چې د ماليې په وزارت کې به د هغه ځای ناستی څوک وي، تر اوسه معلوم نه دی. تر بدري وړاندې حاجي محمد ادريس د افغانستان د مرکزي بانک مشر و.

د طالبانو د چارواکو په وینا بدري هغه مهال د دې ډلې د اقتصادي کمیسیون مشر و چې دغې ډلې د لویدیځ په ملاتړ د حکومت پر ضد شل کلن بغاوت پیل کړ. دوی وايي چې بدري په هغه وخت کې د دغې ډلې د تمویل په برخه کې ډېرې چارې سمبالولې.

د مرکزي بانک ګمارنې د واشنګټن له خوا له نږدې څارل کیږي چې په متحده ایالاتو کې یې د بانک د میلیاردونو ډالرو شتمنۍ کنګل کړي دي. د دغو شتمنیو نیمایي وروسته په سویس کې د افغان ټرسټ فنډ ته لیږدول سوي چې د متحده ایالاتو، سویس او افغان باور لرونکي لخوا څارل کیږي.

د مرکزي بانک شتمنیو ته د لاسرسي لپاره د امریکا له څو وړاندیزونو څخه یو په دغه بانک کې د طالبانو د لوړ پوړو غړو پر ځای د کارپوهانو او تجربه لرونکو کسانو ګمارل دي. د دې طرحې موخه پر مرکزي بانک د باور رامنځته کول دي، څو له سیاسي لاسوهنو لیرې وساتل سي.

دویچه ویله

 

*****************************************

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.