م.م: نړیوال په افغانستان کې د بې ثباتۍ په اړه اندېښمنه ​​ده

403
8 ساعتونه مخکې

په دوحه کې د افغانستان په اړه د تړلو دروازو ترشا غونډه د سه شنبې په ورځ پرته له دې چې د طالبانو حکومت په رسمیت پېژندلو په اړه بحث وسي، پای ته ورسېده.

د ملګرو ملتونو عمومي منشي انتونیو ګوترش د سه شنبې په ورځ په یوه خبري غونډه کې وویل چې نړیواله ټولنه په افغانستان کې د بې ثباتۍ په اړه اندېښمنه ​​ده.

هغه ويلي دي چې «د دې غونډي ګډونوال د يوې داسي ستراتیژۍ په اړه موافقې ته ورسېدل چي په افغانستان کي د ثبات په اړه پوښتني او مهمي ستونزي حل کړای سي.»

په دوحه کې د افغانستان په اړه د ملګرو ملتونو له خوا رابلل سوي غونډې وروسته ګوتریش د دغه هيواد ستونزې روښانه کړې. هغه د نورو تر څنګ، د تروریزم خطر، ښځو او نجونو ته نه پام کول او د مخدره موادو قاچاق ته اشاره وکړه.

په هغه اعلامیه کې چې په افغانستان کې د ملګرو ملتونو د ماموریت مرستیال د دې غونډې په پای کې خپره کړې ده، ویل سوي دي چې د غونډې ګډونوال په افغانستان کي د تروريستي سازمانونو د دوامداره حضور څخه اندېښمن دي.

د ملګرو ملتونو عمومي منشي د دې غونډې په تړاو وویل: «موږ خپلو موخو ته د رسېدو له پاره نسو کولای چې په افغانستان کي له خپلو فعاليتونو څخه لاس واخلو. زموږ څخه ډېرو وغوښتل چې خپل کار ته هغه شان ادام ورګړو چي په کاريږي او له هغو تجربو څخه کار واخلو چي په تيرو وختونو کي مو ترلاسه کړي دي.»

د ملګرو ملتونو سرمنشي وويل چې په افغانستان وضعیت په نړۍ کې تر ټولو ستر بشري ناورین بدل سوی دی او زياته يې کړه چي قصد لري «په يوه مناسب وخت کي له طالبانو سره وګوري، خو تر اوسه پوري يې لا وخت رارسېدلی نه دی.»

په دوحه کې د طالبانو د سیاسي دفتر مشر سهیل شاهین په دې اړه چي د حکومت استازي يې دي غونډي ته وربلل سوي نه ول نيوکه وکړه او ويې ويل: «که دوی حاضر نه دي چي زموږ خبرو ته غوږ ونيسي او په دې اړه زموږ د دريځ څخه خبر نه سي، څرنګه کيدای سي چي يوې قانع کوونکي حل لاري ته سړی ورسيږي.»

هغه زیاته کړه: «په یواړخيزه پريکړو سره کار ځای ته نه رسيږي. افغانستان يو خپلواک هيواد دی او خپل ځانګړی دريځ لري. موږ له دوی څخه غواړو چي ږغ مو واوري.»

دویچه ویله

***************************************

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.