نن جمعه د زمري میاشتې ۶ چې د محرم له لسمې او د عاشورا له ورځې سره سمون خوري، طالبانو د افغانستان په پلازمېنه کابل او مزار شریف ښار کې مخابراتي شبکې او د گرځنده تلیفونونو انټرنټ بند کړی دی.
د اترا ادارې مسئولین وایي چې په کابل او مزار شریف کې د جمعې ورځې له سهار ۶ بجو څخه د همدې ورځې د ماښام تر ۸ بجو پورې د عاشورا د مراسمو د تامین په خاطر مخابراتي شبکې بندي کړي دي.
د مخابراتي خدماتو د تنظیم ادارې د ویاند جلال شمس دویچه ویله ته په دغو دوو ولایتونو کې د مخابراتي شبکو په بشپړ ډول قطع کیدل تائید کړي دي. هغه وویل: «د دې پریکړې دلیل په دغو دوو ولایتونو کې د عاشورا مراسمو د امنیت تامین و او احتمال لري چې مخابراتي خدمات د جمعې ورځې د ماښام له اتو بجو مخکې بیرته فعال شي.»
د اترا ادارې ویاند وویل چې د وای فای له طریقه انټرنټي خدمات فعاله دي او د دغو دوو ښارونو اوسیدونکي کولی شي چې خپلې ستونزې حل کړي. دویچه ویله د کابل په څلورو ناحیو کې له څو تنو اوسیدونکو سره تماس ونیوه، خو تلیفونونو یې کار نه کاوه. تیر کال هم طالبانو د محرم په لسمه تلیفوني او انټرنټي خدمات قطع کړي ول.
په افغانستان کې د عاشورا مراسم په ویره کې ترسره شول
د کابل په لویدیځ کې د عاشورا له عزادارانو سره د طالب ځواکونو چلند، په ټولنیزو شبکو کې له تندو غبرگونونو سره مخامخ شوی دی.
د مدني ټولنې فعاله راحله تلاش، په دې اړه وایي چې طالبان له دې اقدام سره غواړي په ټولنیزو شبکو کې د خلکو د ستونزو د خپریدو مخه ونیسي.
اغلې تلاش وویل: «طالبان له هرې لارې کوښښ کوي، څو خلک خپلې ستونزې د نړیوالو تر غوږونو ونه رسولی شي. د مخابراتي شبکو بندول د دې سبب کیږي چې دغه ډله هر کار چې ترسره کوي یې خلک یې په اړه اطلاع و نه لري».
دویچه ویله
***************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.