ط ال په متحده اماراتو کې د۱۰۰ افغانې نجونو د لوړو زده کړو مخه ونیوله

په کابل کې یو شمیر رسنیو خبر ورکړی دی چې د طالبانو ریژیم هغه  په لسګونه نجونې د کابل هوايي ډګر څخه راځولي دي، کومې چې د خپلو لوړو زده کړو لپا ره متحده عربي امارت ته روانې وې.
دغه نجونې د تېر یو کال راهیسي د خپلو بورسونو قانوني مرحلې له طۍ کولو څخه وروسته ؛چې نن یې قانوني مرحله وروستي پړاو ته رسیدلي وه، متحده عربي امارت ته پرواز کړی وای، خو طالب جنګیالیو یې د تګ مخه نیولې او ټولې یې بېرته کورونو ته ستنې کړي دي.
که څه هم دوی سره د سفر لپاره د دوي محرم پلرونو او وروڼو ته هم ویزې اخېستل شوي وې، او له هغوي سره به يې ځای سفر کولو ،  خو بیا هم دوی نه دي پرېښودل شوي.
په دوبۍ کې د  «الحبطور» مرستندویه بنسټ چې د یادو افغان نجونود سپانسر کولو پروسه په غاړه وه،چې دغه نجونې په دوبۍ پوهنتون کې خپلې لوړې زده کړې پر مخ یوسي، هم خبر ورکړی  دی، چې طالبانو په کابل کې افغان محصلینې له پرواز څخه ګرځولي دي.
د الحبطور مرستندویه بنست مشر عرب میلیاردر احمد الحبطور هم په خپل ویدیويي پیغام کې خواشیني څرګنده کړي ده، او ویلي دي چې داسې هیڅ تمه یې نلرله،ځکه چې موږ د دوی لپاره ټول قانوني پروسیجر عملي کړو کوم چې دوی لپاره اړین و،  خو طالبانو بیا هم دوی له پرواز او د زده کړو له بهیر څخه منع کړي دي.

***************************************