د ښاغلی محمد داؤد مومند انتخاب او رالیږنه
لوی محمد ګل مومند ته، د غمخور د ارادت ګلونه
څه شوی پښتونه چی شملی په ټټیدو ښکاری
غوغا ده جوړه، ګریوانونه په شلیدو ښکاری
تاجونه لوټ شو په تختونو باندی اور ولګید
یادونه وسو، رسالت په ختمیدو ښکاری
د باز په جاله کی، کارغانو، ټپس ځای نیولی
عجبه لا چی ، حیرانی په حیرانو ښکاری
خوله می وینا ته نه جوړیږی ، خبرومه دی پری
پښتو شوه خرڅه ، پښتونواله په سلګو ښکاری
تا چی خبری به د لویی پښتیانا کولی
هغه ارمان شو ارمانی په ژړیدو ښکاری
د ملیت جنازه وشوله، څه پاتی ندی
تنظیم خانی ده، قامولی په ورکیدو ښکاری
جرګی زموږ دی، ولی واک یی د پنجاب سره دی
خوله می شرمیږی، پری خبری د پردو ښکاری
له ګوره پاڅه چی بیا غم د پښتونخوا وکړو
ژوندی د مړو په حساب دی لکه د مړو ښکاری
نه له حسرته لو لمبه شوم، نه لمبه له غمه
نا آشنا خلک می د کور په دروازو ښکاری
د امیرانو غدارانو چی تپوس ونکړی
چی پنجابی ضیاءالحق ته په سجدو ښکاری
هغه څه وشولو چی تا ویل او موږه نه منل
هغه څه کیږی چی پری زړه په غوڅیدو ښکاری
له مجبورۍ نه می بابا، د زهرو ګوټ کړی دی
بچی می ځکه در په در او په کوڅو ښکاری
له روسه خلاص شوم خو بندی شوم د پنجاب په لومو
د ژوند مرغه می د ښکاریانو په ولقو ښکاری
ملی زعیمه محمد ګله بابا څه ووایم
د افغان خونه شوه تالا، په نړیدو ښکاری
د پښتو پلاره په پوښتنه د د پښتو راشه
محاکمی له د بی ننګو پښتنو راشه
تو ضیح: مرحوم عبدالله غمخور صاحب یک شخصیت مطبوعابی، شاعر، نویسنده و یک روشناس وقت خود بود. مرحوم غمخور به حیث یک شخصیت ملی، در دوران هجرت در پیشاور از وضع بسیار اسفناک هم وطنان خود و آنهم در قید امیرانی که خود قلادۀ غلامی حکومت پنجاب را به گردن داشتند سخت رنج میبرد، وی در آن زمان میان زعماء بزرگ تاریخی کشور تنها به فکر مفکر ملی، محمد گل مومند می افتد، و از طریق شعر فوق الذکر، با ایشان درد دل میکند.
روحش شاد
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.