له پاکستانه د افغانانو ايستل؛ سند لرونکي هم نېول کیږي

157
محمد اسماعیل شاکر/ دویچه ویله
۱۴۰۲ آبان ۱۶, سه‌شنبه

د طالبانو ادارې د کډوالو چارو وزارت وايي، له پاکستانه د اجباري رااېستلو شویو افغانانو لپاره خدمتونه پراخیږي. هاخوا د پاکستان ددې پریکړې پروړاندې د پاکستان د بشري حقونو کمېسیون هم غبرګون ښودلی.

د طالبانو تر ولکې لاندې د رسنیو مرکز پر خپله اکس پاڼه د یوه عمر خوړلي راستانه شوي افغان وېډیو خپره کړې چې په هغه کې نوموړی د پاکستاني چاواکو د زور زیاتي کېسه کوي.

د نیک محمد په نوم دغه سپین ږیری وایي: «مونږ هلته لېدل چې ډېر کسان یې ونېول او جیل ته یې بوتلل، کارتونه «د کډوالۍ قانوني کارټونه» یې ترې اېسته کړل او مات یې کړل یانې د کارتونو والا یې ونېول، ښځې یې ونېولې او جېلونو ته یې واچولې. مونږ اوس وطن ته راغلو، ددې وطن په خاوره او خلکو شکر دی.»

د طالبانو حکومت له پاکستانه اجباري رااېستل شویو کډوالو ته د رسیدنې په موخه د مهاجرینو ستونزو ته د رسېدنې عالي کمېسیون په نوم یو نوی جوړښت رامنځته کړی.

سره له دې چې تراوسه کره او وروستی شمېرې نه دي خپرې شوي چې تردې دمه څومره افغان کډوال له پاکستانه په اجباري ډول رااېستل شوي، خو د چارواکو په وینا هره ورځ لسګونه زره کورنۍ په تورخم او سپین بولدک افغانستان ته وراوړي.

د طالبانو ادارې ویلي، ټولې هغه راستنې شوې کورنۍ چې د اوسېدو لپاره ځای نه لري، په «لنډمهاله پنډغالي» کې ځای پر ځای کیږي.

د کډوالو د لېږدونې کمېټې مسؤل مفتي محمدزمان مزمل خبریالانو ته ویلي، خصوصي سکټور شاوخوا ۲۰۰ عرادې لوی  او ۵۰۰ کوچني موټر ورکړي، چې په مټ یې تېرو څو ورځو کې ۷۷۲ ځله لېږدونې ترسره کړي دي.

رپوټونه وايي، پاکستان افغان کډوالو سره د زورزیاتي په لړ کې ښځې او ماشومان هم زندانونو ته اچوي
انځور: Arghand/Xinhua/picture alliance

د پاکستان د بشري حقونو کمېسیون غبرګون

په همدې حال کې د پاکستان د بشري حقونو کمېسیون پاکستان کې له افغان کډوالو سره د ناوړه چلند له امله غبرګون ښودلی.

دغه بنسټ پر خپله اکس پاڼه لیکلي: «د مدنې بنسټونو او نړېوالو سازمانونو د غوښتنو سربیره هم پاکستان د کډوالو د اجباري اخراج برخه کې پر خپله پرېکړه ټینګار کوي.»

د کمېسیون پر وینا د پاکستان حکومت دې له ټولو افغانانو په ځانګړې توګه ماشومانو سره خپل زورزیاتی ودروي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.