که څوک وغواړي ځان بدل کړي، هغوی نړۍ بدلولی شي

په ۱۷ کلنۍ کې یې غوښتل کالج ولولي، خو رد شوه، په ۲۵ کلنۍ کې يې پر زړۀ د مور مړینې ټپ جوړ کړ، پۀ ۲۷ کلنۍ کې یې لۀ یو ډېر بداخلاقه سړي سره واده وشو، له ناوړه چلند سره، سره یې لۀ دې سړي یوه لور پیدا شوه. ژوند یې دوزخ و، بالاخره یې پۀ ۲۸ کلنۍ کې طلاق واخیست، دا هغه وخت و چې دا پۀکې لۀ ژور خپګان سره مخ شوه، پۀ فکري اختلالاتو اخته او د ځانوژنې هڅه یې وکړه، ولې تقدیر بل څۀ و، د دې پۀ برخلیک کې لوی کارونه لیکل شوي وو.
پۀ ۳۰ کلنۍ کې یې لۀ ژوند سره هره اړیکه پرې شوې وه، ولې یو څۀ وو، چې د دې پۀ فکر خپل دردونه پرې کمولی شي، لۀ ذهن خوړونکو اندیښنو پناء ور وړلی شي، هغه و چې لیکوالي یې پیل کړه.

په ۳۱ کلنۍ کې یې خپل لومړی کتاب خپور کړ، په ۳۵ کلنۍ کې یې څلور نور کتابونه خپارۀ کړل چې پۀ دې سره یې « د کال غوره لیکوال» نوم تر لاسه کړ.

تر دې ټولو ډېر جالب دا چې په ۴۲ کلنۍ کې یې بل کتاب خپور کړ چې د خپرېدو پۀ لومړۍ ورځ یې ۱۱ ملیون کاپي خرڅې شوې.
دا ښځه جې.کې رولېنگ د «هېري پوټر» لیکواله ده، رولېنگ د «هېرې پوټر» د اوو ناولونو سلسله ده چې پۀ د ماشومانو لپاره پۀ فانتزي/خیالي ژانر کې لیکل شوي دي، دا کتاب نن ورځ پۀ ټوله نړۍ کې د یو برانډ پۀ توگه پېژندل کېږي او ارزښت یې ۱۵ ملیون ډالر اټکل شوی دی.
رولېنگ اوس مهال ۵۷ کلنه ده، چې پۀ ۲۰۲۱ زېږدیز کال کې د یوې تخمیني سروې لۀ مخې یې شتمني ۸۲۰ ملیون پونډه اټکل شوې ده.

کړاوونه، ستونزې او ربړې د‌ ژوند د برخې پۀ توگه ومنئ، پر ځان باور ولرئ‌ او پۀ دې پوه شئ چې د‌ بریا لۀپاره هېڅکله هم ناوخته نۀ دی.