له پاکستانه د افغان کډوالو اخراج؛ سندرغاړي سخت اندېښمن دي

246
۱۴۰۲ آذر ۲۲, چهارشنبه

په پيښور کې يو شمېر افغان سندرغاړي د کار نه شتون له امله له ګڼو اقتصادي ستونزو سره مخ دي او وايي په افغانستان کې په موسیقۍ تر بندیز وروسته پښتونخوا ته راکډه شوي خو هلته هم د پولیسو له ویري په ازاد ډول کار نه شي کولای.

هنرمندان وايي له پاکستانه د هغو افغانانو د اخراج پريکړي چي هلته د اوسېدو قانوني اسناد نه لري دوی سخت اندښمن کړي دي او اوس ډیر کله له دي ویري چې ونه نیول شي د خوښیو پرګرامونو ته نه ځي.

په کوزه پښتونخوا کې یوشمیر افغان سندرغاړي وايي په ازاده توکه خپله کار نه شي کولای او له دي امله له ګڼو مالي ستونزو سره مخ دي.

ګل اغا بهسودی او سعید الله وفا د لسګونو هغو سندرغاړو له ډلي دي څخه دي چې په افغانستان کې پر موسیقۍ تر بندیز وروسته پاکستان ته کډه شوي دي.

سعید الله وفا وايي چې په افغانستان کې د طالبانو تر واکمن کیدو وروسته پاکستان ته راګډه شوي، خو زیاتوي چې په همغه مهال د قانوني اسنادو د نه شتون له امله د پولیسو له خوا نیول شوي و او تر پنځه ورځي بند وروسته د پیښور سندرغاړو په مظاهرو راخوشي شو.د افغانانو اخراج د پاکستان امنیت له خطر سره مخامخوي؟

هغه وايي د پاکستان حکومت وروستۍ پریکړي اندښمن کړي او په ویره ژوند کوي. د ده په خبره د ملګرو ملتونو د کډوالو چارو ادارې د راجستر نمبر او پیښور هنرمندانو ټولني د کارت د شتون سره هم له دغي ستونزو سره مخ دي.

هغه وايي: «په ازاد او ډاډه زړه ګرځیدلی نه شوو، پاکستاني وګړی د حکومت له ویري د اوسیدو کورنه په اسانۍ سره په کرایه نه راکوي خو بیا هم د خپلو اولادنو د سر خوندي توب له پاره دلته پراته یوو.»

بل افغان سندرغاړی ګل اغا بهسودی هم دغه وضیعت اندېښمن کړی او وايي چې په افغانستان کې د موسیقۍ پر کار بندیز دی او دلته په پيښور کې کارونه کم رنګه او کمزوري دي.

د ده په خبره هنرمندان د کار د نه شتون له امله له اقتصادي ستونزو سره مخ دي او باید پام ورته وشي: «د مسافرۍ ژوند سخت دی. هره دقیقه مي وطن راته یادیږي خو که وطن کې راته داسي دنده پیدا شي چې د میاشتي پنځه زره افغانۍ راکوي او خطر نه وي بیرته ځم.»

دغه افغان سندرغاړي د پیښور هنرمندانو ټولني څخه منندوی دي چې هر مهال يي د دوی همکاري کړې ده او یوشمیر سندرغاړو ته يي د اتحادي د غړيتوب کارتونه ورکړي دي، چې له مخي يې يو څه ستونزي حل کیدای شي.

د پاکستان له هغي پریکړي سره چې له مخي يې هغه افغانان چې هلته د اوسېدو قانوني اسناد نه لري بايد اخراج شي، په ښارونو کې د میشت افغان وګړو ستونزي او تشویشونه زیات شوي دي او ډير کله قانوني اسناد درلودونکي افغانان هم د پولیسو له خوا نیول کیږي.

د معلوماتو له مخي په افغانستان کې د طالبانو تر واکمنیدو وروسته شاوخوا دري سوه هنرمندان پاکستان ته کډه شوي دي چې اوس هلته له سختو اقتصادي ستونزو سره مخامخ دي.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.