د خویندو لوڼو پر تعلیم بندیز

که د دې لپاره وې چې دغرب مقابله کوو نو بیا خو پکار ده چې ټول سیده پر بیت المقدس ورشو, هم به رب راضي شوی وی هم به مو غرب ته دمقابلې سم مشروع دعوت ورکړی وې که ستونزه مالي وې فیس ولګوه, که نصاب ستونزه لرې هغه دې اصلاح شې, که طب, روزني, درس وتدریس ته دښځو اړتیا نه وې هم ووایه کنه امام غزالي رح خو علم خیاطي هم فرض کفایه بولې دستر عورت لپاره, ریاضي هم واجب ګڼې ځکه علم میراث او دزکواة, بیوع, تجارت معاملات له ریاضي سره تړاو لرې مالي عبادات پر ښځو هم فرض دې. مالي عبادات هغه مهال د فرضیت مصداق خپلوي چې څوک مال ولرې او دمال حصول کسب وشغل کولو ته اړتیا لرې, د ساینسي علم دفرضیت اړوند دالله تعالی هغه ایات کریمه هم ددلیل په توګه راوړلای شو چې ټول مخلوق ته فرمایې: آیا تاسي اوښ ته نه ګورئ څنګه مو خلق کړی (زولوجي) او اسمان مو څنګه پورته کړی ده (اسټرونومی) او غرونه مو څنګه نصب کړیدې (جیولوجي) او ځمکه مو څنګه همواره کړې ده (جغرافیه), همدارنګه الله تعالی بل ځای فرمایې چې زه به خپلې نښاني دوي ته په افاق کې وروښیم (سپیس ساینس) او هم ددوي په نفسونو کې (سیکالوجي). نو هسې بې فایدي کتل خو عبس کار دې, مقصودي تحقیق لپاره یې نر وښځه دواړه مخاطب کړیدې