په افغانستان کې بشري ناورین؛ د غذایي نا امنۍ لمنه ورځ تر بلې پراخیږي

70
کابل کې د یو شمېر بېوزلو تصویر – ارشیف

د خوړو نړیوال پروګرام، WFP وايي، په افغانستان کې د خوړو د نه خوندیتوب بحران دوام لري او د ۲۰۲۳ کال له نومبرڅخه د ۲۰۲۴ کال ترمارچ میاشتې پورې ۱۵،۸ ملیونه افغانان، یعنې د دې هېواد د وګړو شاوخوا ۴۰ سلنه د خوړو د نه خوندیتوب له بحراني وضعیت سره مخامخ وو.

دې پروګرام د افغانستان لپاره د ۲۰۱۸ او ۲۰۲۵ کلونو ترمنځ د ستراتیژیک پلان له مخې، د ۲۰۲۳ کال لپاره په خپل کلني راپور کې چې په ریلییف وېب پاڼه کې پرون سې شنبې خپورشوی ویلي چې د دغو افغانانو ۲،۸ ملیونه یې د خوړو د نه خوندیتوب له ترټولو بحراني یا حاد وضعیت سره مخامخ وو.

په راپورکې ویل شوي چې د ۲۰۲۱ کال له وروستیو نه د ۲۰۲۳ کال تر لومړیو پورې په لویه پیمانه د خوراکي موادو بشري مرستو په افغانستان کې نسبتاً د وضعیت له ښه کېدو سره مرسته کړې وه، خو په ۲۰۲۳ کال د بسپنې د کمیدو له کبله تمه کیږي چې روان ۲۰۲۴ م کال کې به د افغانانو د خوړو د نه خوندیتوب وضعیت له دې هم بدتره شي.

د بېوزلو لیکې ورځ تر بلې پراخیږی
د بېوزلو لیکې ورځ تر بلې پراخیږی

نړیوالو مرستندویو سازمانونو او بنسټونو په کراتو کراتو خبرداری ورکړی چې د افغانستان د نفوس یوه زیاته برخه نه پوهېږي چې د ځان او خپلې کورنۍ لپاره د بل وخت خواړه به له کومې برابروي.

د ازادي راډیو اکثره اوریدونکي هم په خپلو پیغامونو کې له دغې ستونزې سرټکوي.

د کندهاري په نوم د پکتیا یوه اوسیدونکي ازادي راډیو ته وویل:

” ډېرمسکین دي د افغانستان خلک ټول غریبان دي، مسکینان دي، کار دلته په افغانستان کې نشته، زموږ د ټولو وضعیت ډېر خراب دی.”

له پاکستان او ایران څخه د افغان کډوالو په زوره ایستو هم د فکر په زیاتولو کې مهم رول لرلی
له پاکستان او ایران څخه د افغان کډوالو په زوره ایستو هم د فکر په زیاتولو کې مهم رول لرلی

ډبلیو ایف پي ویلي، په سیاسي او ټولنیزو برخو کې د واکمنو طالبانو د تګلارو او چلندونو له امله د ښځو او نجونو حقونه لا محدود شوي چې په پایله کې یې د هرو لسو افغان کورنیو له ډلې نهه یې د ځان لپاره د خوړو په برابرولو کې له ستونزو سره مخ دي.

د طالبانو د سرپرست حکومت هغو اقداماتو چې د ۲۰۲۲ کال په ډسمبر کې یې ښځې په نادولتي موسسو کې له کارکولو منع کړې او وروسته یې په اپریل میاشت کې د ملګرو ملتونو په ادارو کې هم د هغوی پر کارکولو محدودیتونه ولګول، په ټول افغانستان کې پربشري فعالیتونو؛ په تېره د خوړو د نړیوال پروګرام پر پروګرامونو ناوړه اغېز کړی دی.

ازادی رادیو

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.