ملګري ملتونه: نړۍ باید سمدستي پر افغان ښځو د ظلم او ستم د پای ته رسولو لپاره ګام پورته کړي

64

د ملګرو ملتونو د ښځو څانګه وايي، نړۍ باید سمدستي پر افغان ښځو او نجونو د ظلم او ستم د پای ته رسولو لپاره ګام پورته کړي.

د ملګرو ملتونو د ښځو څانګه وايي: “هغه ظلم چې افغان ښځې او نجونې د ۲۰۲۱ کال له اګست راهیسې ورسره مخ دي د اندازې او نسلي اغېزو له پلوه ساری نه لري.”

د دغه بنسټ په بیان کې راغلي چې د نجونو پر ښوونځیو او پوهنتونو او کار باندې یو لړ بندیزونو په روان نسل مخرب تاثیرات پرېښي او یوه بېلګه یې په وروستیو کې د امیندوارو ښځو د مړینې لږ تر لږه پنځوس فیصده زیاتېدل دي.

دې بنسټ دا مسئله له ښوونځیو د څه باندې یو میلیون نجونو او له پوهنتونو د څه باندې یو لک نجونو او ښځو د ممانعت د تاثیراتو سره تړلې بللې ده.

طالبانو د ۲۰۲۲م کال د ډسمبر په وروستیو کې دغه نجونې له پوهنتوني زده کړو منع کړې. طالبانو له دې مخکې پر نجونو له شپږم ټولګي پورته د زده کړو بندیزهم لګولی دی.
طالبانو د ۲۰۲۲م کال د ډسمبر په وروستیو کې دغه نجونې له پوهنتوني زده کړو منع کړې. طالبانو له دې مخکې پر نجونو له شپږم ټولګي پورته د زده کړو بندیزهم لګولی دی.

د ملګرو ملتونو د ښځو څانګې د اروپايي ټولنې په ملتیا د جون په لسمه د طالبانو له بیا واکمنېدو وروسته د افغانستان د جنسیتي پروفایل یا پيژندګلوۍ بشپړې پایلې خپرې کړي دي.

دغه څېړنیز راپور کې راغلي چې طالبانو په تېرو درېیو کلونو د جنسیت د مساواتو په برخه کې لاسته راوړنې او اساسي برخې په څه باندې اویاوو فرمانونو، بیانونو او چلندونو سره له منځه وړي.

په خپرو شویو ارقامو کې ښودل کېږي چې دمګړی یواځې یو فیصده افغان ښځې په ټولنه کې پر نورو د نفوذ لرلو یادونه کوي حال دا چې نږدې ټولې نورې د بېواکۍ یا نفوذ د بایللو خبره کوي.

په دغې څېړنه کې دا ادعا هم شوې چې د سروې د ګډونوالو اته فیصده خلکو ویلي چې د ۲۰۲۱م کال له اګست راهیسې لږ تر لږه یوه ښځه یا یوه نجلۍ پېژني چې د ځان‌وژنې هڅه یې کړې ده.

همدارنګه اتلس فیصده ښځو بیا ویلي چې په درېیو میاشتو کې له کوره بهر نه دي وتلي او نورې ښځې او خورلڼې یې نه دي لیدلي.

طالبانو پارکونو، تفرېح‌ځایونو، ورزشي کلبونو او ګڼو نورو عامه ځایونو ته د ښځو پر ورتګ بندیز لګولی دی.

د ۲۰۲۳م کال د جولای په ۱۹مه په کابل کې د سینګارتونونو مسوولانو د طالبانو د بندیز په غبرګون دغه اعتراضه غونډه کړې وه.
د ۲۰۲۳م کال د جولای په ۱۹مه په کابل کې د سینګارتونونو مسوولانو د طالبانو د بندیز په غبرګون دغه اعتراضه غونډه کړې وه.

دا سربېره په دې چې ښځې د کار او زده کړو له حقونو تر ډېره محرومې ګرځول شوي دي.

د ښځو د حقونو فعالې فرزانې بارکزۍ ازادي راډیو ته وویل چې نړیواله ټولنه باید نور له پيغامونو او څېړنو تېره شي او د افغان ښځو د ملاتړ لپاره واقعي او عملي ګامونه پورته کړي.

د ښځو د حقونو فعاله مېرمن بارکزۍ وايي: کله چې یوه ښځه معاش کور ته راوړي هغه قدر هم پیدا کوي او اختیارات هم پیدا کوي. کله چې ښځې د کور په کنج کې بېکاره ناستې وي هغه ښځې هېڅ قدر نه لري او ټولنه کې ځای نه لري.

مېرمن بارکزۍ وايي: “کله چې ټوله دنیا په موږ ولاړه یئ وايئ چې د تاسو حقوق، حد اقل تاسو خو موږ ته یو څه وکړئ، یو فعالیت خو وکړئ، موږ ته کسبونه شروع کړئ، موږ ته فابریکې جوړې کړئ، کار آموزيانې شروع کړئ. کله چې یوه ښځه معاش کور ته راوړي هغه قدر هم پیدا کوي او اختیارات هم پیدا کوي. کله چې ښځې د کور په کنج کې بېکاره ناستې وي هغه ښځې هېڅ قدر نه لري او ټولنه کې ځای نه لري.”

اخوا د ملګرو ملتونو او اروپايي ټولنې دغې څېړنه کې د افغان ښځو د وضعیت د بدلون لپاره د ښځو د مدني ټولنو د پیاوړتیا او ملاتړ لپاره د دوامداره بودیجې برابرول وړاندیز شوي.

همدارنګه په سپارښتنو کې د جنسیت د مساواتو د هڅو د تمویل یادونه شوې ده.

د دغو وړاندیزونه یوه برخه وايي چې باید د تبعیضي چلندونو د عادي ګڼلو له مسئلې ډډه وشي.

همدارنګه په ټولو برخ کې د بشر او ښځو حقونه په پام کې ونیول شي.

16x9 Image

صفي‌الله ستانکزی/ ازادی رادیو

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.