د کابل د خونړي برید اصلي موخه د هند او اندونیزیا استازؤلۍ(سفارتونه) وو/ ښکلا احمدزۍ

د کابل د وروستی خونړي برید اصلي موخه د هند او اندونیزیا استازؤلۍ(سفارتونه) وو، چې پۀ څنګ کې ورسره د کورنیو چارو پخوانی وزارت او د سولې عالي شورا دفتر هم موقعیت لري.
ددې پېښې جدي پلټنه کۀ وشي، ښایي څرګنده شي، چې دا د سولې د تؤدو خبرو سبوتاژ کوونکې کړۍ دي، چې پۀ نظام کې د پنځم ستون پۀ توګه لکه د لستوڼي ماران ننؤتي او طرحې او پلانونه لۀ پکیستانه ورته راځي. اندونیزیا پدې وروستیو کې لۀ طالبانو سره د سولې پۀ خبرو کې ښکېل هیواد دی او د سولې عالي شورا استازو هم درې ځلې نومؤړي هیواد ته رسمي او بلا نارسمي سفرونه وکړل. اوس باید ملت ډېر هوښیار او پۀ ځیرکتیا ګام واخلي.
پدې پېښه باندې موږ ولیدل چې ظاهراً د ځینو جنګي او فکري طالبانو خواه هم بده ده. کۀ دا خبره یې لۀ زړۀ وي، حکومت ته پکار دي، چې دې پېښې ته ښه هوا ورکړي او د هغو طالبانو د راخپلؤلو او یا لږ تر لږه لۀ جګړې د لاس پر سر کېدو هڅه وکړي، چې لۀ دا ډؤل بریدونو سره مخالف دي.
د طالبانو پۀ لیکو کې هم کۀ کوم څوک د لږ ویښ ضمیر والا پاتې وي، باید دا پېښه یې برخلیک څرګند کړي او لږ ترلږه وسلَواله مبارزه نوره بس کړي. ځکه دې پېښې وښوده، چې دلته یؤ کافر بهرنی هم پکې ونۀوژل شو، بلکې ټول بېوزله افغانان د اور د لمبو خؤراک شول