د رویټرز خبري اژانس د یو دیپلومات په گډون چې نه یې غوښتل نوم یې یاد شي د دوو مقاماتو له خولې لیکلي چې د مالي منابعو د څارنې د نړیوالې ادارې غړي هیوادونه یا FATF به د جمعې په ورځ ناوخته په رسمي توگه اعلان دغه اعلان وکړي.
د ترهگرو د مالي ملاتړ په لست کې د پاکستان شاملول د امریکا د متحده ایالاتو د هغو هڅو یوه برخه ده چې غواړي اسلام آباد د ترهگرو ډلو سره خپلې اړیکې وشلوي. د امریکایي مقاماتو په وینا دغه ترهگرې ډلې په افغانستان کې تروریستي بریدونه کوي.
دغه تصمیم په داسې حال کې نیول کیږي چې دوه ورځې مخکې د پاکستان د بهرنیو چارو وزیر خواجه آصف، په خپل یو ټویټري پیغام کې ادعا کړې وه چې د FATF غړي هیوادونه د ترهگرو د مالي ملاتړو په لست کې د پاکستان د شاملولو په هکله د نظر اختلاف لري چې دغه تصمیم د دریو میاشتو لپاره وځنډوي.
د رویټرز په راپور کې لیکل شوي چې پاکستاني مقاماتو تر وروستۍ شیبې پورې هڅه وکړه چې د دې ډول تصمیم مخه ونیسي خو د پاکستان د یو لوړپوړي مقام په وینا د مالي منابعو د څارنې د نړیوالې ادارې غړو د پنجشنبې د ورځې ناوخته پاکستان بیا په دغه لست کې شامل کړ.
امریکایي مقامات همداشان پاکستان د ترهگرو ډلو په ملاتړ تورن کړی چې له هغوی څخه په افغانستان کې د نیابتي جگړې لپاره کار اخلي. دغه ادعا د اسلام آباد له لورې رد شوې او پاکستاني مقاماتو ویلي چې ددې هیواد په خاوره کې “د ترهگرو لپاره هیڅ امن ځای” نشته.
د روانې اونۍ په پیل کې چین، ترکیې او د خلیج د همکارۍ د شورا غړو هیوادونو د ترهگرو د مالي ملاتړو په لست کې د پاکستان د شاملولو سره خپل مخالفت څرگند کړی و. خو د رویترز په وینا چین او د خلیج د همکارۍ شورا د پنجشنبې په ماښام د خپل مخالفت نه لاس واخیست.
د ترهگرو د مالي ملاتړ په لست کې د پاکستان په داخلولو سره به دا هیواد د سختو اقتصادي ستونزو سره مخ شي او نړیوال بانکونه به ور سره له معاملو ډډه وکړي.
دا لومړی ځل ندی چې د پاکستان حکومت د مالي منابعو د څارنې د نړیوالې ادارې د غړو هیوادونو یا FATF له لورې په جدي توگه ارزول کیږي. دا هیواد د ٢٠١٢ نه تر ٢٠١٥ پورې هم د FATF له خوا تر څارنې لاندې و.
د مالي منابعو د څارنې نړیواله اداره یا FATF، ٣٧ غړي لري چې د سعودي عربستان په گډون د خلیج د حوزې هیوادونه هم په کې شامل دي. ددې ادارې اصلي ماموریت د پیسو د تطهیر پر ضد مبارزه ده چې ترهگرې ډلې له دې لارې تمویلیږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
