دا د هغه کتاب نوم دی چې تازه له چاپه راوتی او پرون د روان کال د کب د میاشتې په ٥ مه نېټه، چې د ٢٠١٨ کال د فبروري د میاشتې له ٢٤ مې سره سمون خوری د ناروې په اوسلو کې د مخکتنې مراسم تر سره شول. د کتاب په مخکتنه کې د ۴۰ تنو په شاوخوا کې د اوسلو او شاوخوا سیمو څخه مینه راغلی وو. غونډه د مازیګر په څلورنیمو بجو د شاغلی مصطفی آمن په تلاوت پیل او ورپسې د کتاب لیکوال ښاغلی نادر سرشار له راغلو میلمنو په مننې سره د کتاب په اړه لنډې خبرې وکړې. دا باید یاده کړم چې په لنډ وخت کې دا د الحاج محمد نادر سرشار دریم کتاب دی چې د چاپ په ګانه شکلی کیږي.
ولسي کیسې او نکلونه د ښاغلی نادر سرشار د زیار او هڅو نتیجه ده چې پخوا یې دا کیسې او نکلونه راغونډ کړی او په لاس لیکلی وو، خو بخت ورسره یاري ونکړه او لیکلې کیسې او نکلونه د کور په کالیو کې د سترګو پناه شول.
د ښه بخته دغه په لاس لیکل شوی کاغذونه ډیر کلونه وروسته پیدا او لیکوال ورسره جوخت د خپل پخواني عزم له مخې کوښښ پیل کړ چې اوس یې په کمپیوټر ولیکي، ډیزاین یې کړي او د چاپ په ګانه یې سینګار کړي.
دا کتاب چې ټول ۸۵ مخه دی په ښه سپین کاغد په پېښور کې د ۲۰۰۰ ټوکو په شمیرچاپ شوی دی.
کتاب د ښاغلي سرشار د خپلو خبرو په نوم سریزې پرته د دا کیسې او دا نکلونو تر عنوان لاندې د ښاغلي سید امرالله امید نظر د همدې کتاب په اړه هم لري.
په کتاب کې لاندې کیسې او نکلونه راغونډ شوی دي:
۱/ د پخوا په شان یې کړئ
۲/ بدبخته زامن
۳/ مرض اوس زور ولګاوه
۴/ فکرونه چېرته دي
۵/ ابۍ سرزورې ده
۶/ وېښته جوړوه
۷/ د ((ظ)) مخرج نشم پریښودلای
۸/ همدا زه نه وای
۹/څه پیکه او تروش وو
۱۰/ موړ هغه دی، چې پرې ومري
۱۱/هر چېرې چې یې، زمونږه یار یې
۱۲/ راکړه ورته مه وایه
۱۳/ نېکه ښځه
۱۴/ ما پریږده ښځه ونیسه
۱۵/ دا بې غیرته غویی حلال کړه
۱۶/ جلۍ یې ما ته راکړه
۱۷/ ماته ابۍ هکۍ او پراټې پخوي
۱۸/ کونډې کونډ په نکاح پښېمانه کړ
۱۹/ له هوښیارۍ بې علمه پاتې شو
۲۰/ دا خو دې د ورور کور دی
۲۱/ له ژرندې زه راغلم، په اوړو ته سپیره یې
۲۲/ له دې زاړه یې زده کړي دی
۲۳/ سپي مو وتړۍ
۲۴/ د اوښي او لېوه وحدت
۲۵/د هندو او کلیوال شراکت
۲۶/ د جومات بولن
۲۷/ ببه ترور
۲۸/ کفن کش
۲۹/ دوی دې وخوری یو تر بله
۳۰/ د مخامخ سترګو سودا ده
۳۱/ له کلي یې وشاړه
۳۲/ اخ کاکا یې بې کفنه ښخ کړ
۳۳/ هوښیار بریدګی
۳۴/ سپی او سوباړی
۳۵/د وړو د سر خیرات
۳۶/ چې کور کوي پیشوګان نه تلي
۳۷/ چې پردۍ پورې باسي
۳۸/ راشه زما په خوله کې کښینه
۳۹/ ازمایښت
۴۰/ اوښ کوچي ته بخښنه ونه کړه
۴۱/ د سپکو ملګرتیا
۴۲/ دونیا ورانیږي
۴۳/ د پښتون لوز
۴۴/ چرسي
۴۵/ زما او ستا کور نه کیږي
۴۶/ احسان هېروونکی
د همدې پرتمینې غونډي په ترڅ په ټولو ګډونوالو کتاب وویشل شو او یو شمیر دوستانو د هېواد په روان حالت، د پښتو ژبې پر وضعیت او هم له سرشار صاحب مننه وکړه چې په پاخه عمر تر خپله وسه هڅه کوي چې خپلې ژبې ته د کتابونو د لیکلو د لایرې د خدمت جوګه شي.
د دعوت د خپلواکو رسنیو مرکز هم په خپل وار د ښاغلی محمد نادر سرشار د لابریالیتوبونو هیله کوی.
محمد طارق بزګر
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
