یوې باوري حکومتي سرچینې آریانا نیوز ته ویلي؛ ولسمشر غني د محمد اسحق رهګذر تر څنګ فرهاد عظیمي او میرویس بلخي هم د پوهنې وزارت لپاره د کاندیدانو په توګه منلي، چې دا دواړه هم عطا محمد نور ته باوري کسان دي.
سرچینه وايي، چې د اقتصاد وزارت لپاره د عبدالستار مراد په بیا کاندیدو خبرې روانې دي؛ خو ولسمشر غني له ښاغلي نورغوښتي، چې نوموړی د کانونو او پترولیم وزارت ته د نوماند په توګه ومني.
د نوموړي په وینا؛ په وروستیو لیدنو کې جوړ جاړی رامنځته شوي او هیله من یو، چې عملي بڼه غوره کړي.
دا په داسې حال کې ده، چې اجرائیه رييس عبدالله عبدالله تېره ورځ د وزیرانو شورا په غونډه کې د دوشنبې پر ورځ(د کب ۲۱) په ډاګه کړه، چې د ارګ او عطا محمد نور تر منځ پیل شوې شخړه پای ته رسیدونکې ده او تر نوي کاله به پای ته ورسیږي.
دغې سرچینې دا هم ویلي، چې نور د ولسي جرګې د حزبي کیدو او د وګړیو د احوال ثبتولو د قانون له مخې د تذکرو د وېش له شرطونو تېر شوی دی.
د بلخ ولایت ته ورپېيژندل شوی والي انجنیر محمد داوود، چې له درې میاشتو راهیسې په کابل کې اوسیږي او خپل ټول حقوق تر لاسه کوي وایي؛ د حکومت رهبرانو د بلخ د رسمي والي په توګه ولایت ته د ورپېژندنې ډاډ ورکړی دی.
ولسمشر غني څو میاشتې وړاندې د بلخ والي عطامحمد نور استعفا منظوره کړې وه او پر یو فرمان یې د هغه پر ځای د حزب جمعیت اسلامي یو بل غړی انجنیر محمد داوود د دغه ولایت د نوي والي په توګه غوره کړی و.
ښاغلي نور د ولسمشر غني پرېکړه او فرمان رد کړل او رسنیو ته یې په ډاګه کړه، چې هیڅوک د اشرف غني په ګډون د بلخ له ولایته د ده د لیرې کولو واک نلري.
له دې وروسته ښاغلي نور د خپلو پلویانو په بېلابېلو ناستو کې پخپل دریځ ټینګار څرګند کړ او په ډاګه یې کړه ، چې د ده په اړه یوازې د حزب جمعیت اسلامي رهبري پرېکړه کولی شي او بس.
د یادې سرچینې د څرګندونو له مخې؛ د ګوتو په شمار ورځو کې به دغه هوکړه وروستۍ شي او غوښتنې به یې هم ټولو ته وړاندې شي.
د عطا محمد نور ویاند ویلي، چې ډېر ژر به له ارګ سره د عطا محمد جوړجاړی وروستی شي.
سیاسي کارپوه احمد سعیدي وایي، والي نور د ملي امنیت له رییس او عبدالسلام رحیمي سره خبرې کړي دي؛ خو وروستۍ پرېکړه به حزب جمعیت اسلامي کوي. هغه معلومات ، چې زه لرم هغه داده: هوکړه شوې، خو وروستۍ شوې نده.
په دې لړ کې د جمعیت او حکومت د پلاوو خبرې اترې او ناستې څو څو ځلې بې پایلې پاته ورسیدې؛ خو داځل یو بل پلاوی د ملي امنیت د عمومي رییس معصوم ستانکزي او د ولسمشر د دفتر د رییس سلام رحیمي په مشرۍ د خبرو اترو لپاره بلخ ته تلی و، چې دا پرېکړه به ورسره یقیني شي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
