-پوهنمل حاجي محمد نوزادي
تر هرڅه وړاندي د مارچ د اتمي نیټې په پار چي د ښځو د نړیوال پیوستون ورځ ده ، زموږ د هیواد او ټولي نړۍ درد لیدلو ښځو ته د مبارکۍ ویلو تر
څنګ دا خبره د یادولو وړ بولم چي سږکال مي ښځو ته یوه غیر دودیزه ډالۍ تیاره کړیده او هیله من یم چي په خوښۍ سره به یې و مني :
څو ورځي وړاندي مي په تلویزیون کی یوه سندره چی هلته د « لونګو او لونګین » یادوونه پکښې شوې وه ، و ارویدل . وروسته مي په فیسبوک کي د ( لونګو ډالۍ ) تر سرلیک لاندي د مارچ د اتمي نیټې د پاره چي د ښځو نړیواله ورځ ده ، د خپلو لیکنو د لوستونکو څخه هیله و کړه چی ښځو ته د ډالۍ پخاطر یوه یوه داسي لنډۍ په کومینټ کي را ولیږي چی د لونګو او لونګین سره تړاو ولري . د لوستونکو د فعالي ونډي اخیستني څخه په مننه باید ووایم چي ډیري په زړه پوري لنډۍ یې و دغي نړیوالي ورځي ته ډالۍ کړی وې .
دادی دهمدغي ورځي په پلمه د نوموړو لنډیو څخه یو شمیر یې د را لیږونکو لخوا او د هغوی په استازیتوب دغه نازنین او لطیف جنس ته د ګل ګیډیو په توګه په مینه او درناوی وړاندي کوم :
دکور وځی لونګ واخله
لونګ دوا ده دزړه درد اراموينه
جانانه یو خورد لونگ راوره
دکلی دود دی لونگین تری جورومه
هلک چی تور وی لونګین سی
جنی چی توره وی بنګړی دی خرڅوینه
توره نجلۍ ګل د لونګ شي
هلک چی تور شي بیزوګۍ دی ګرزوینه
که يار مې تور دی څه پېغور دی
تور خو لونگ دي ، شاه سلام ورته کوینه
پر سينه يو لالی ځائېږي
زه لونگين او لالی دواړه ځاېومه
که چا لونګ لیدلی نه وی
پیغله خوله کړی د لونګو بوی تری ځینه
جانان مي بوټي د لونگ دي
لکه پروته به تري ټوله تاوه شمه
پرتورو بد مه واياست خلګو
تور خو لونګ دی پاچهان یې بویوینه
ستا لونګین دانی دانی شو
دانه دانه چي ټولوم سهار به شینه
څومره خوشبخته لونګین دی
د مستو پیغلو پر ټټر وهی ټالونه
تور لونگين په ژړا راغی
ماته اوگۍ پر سينه ځای نه راکوينه
بارانه ټپ شه ودرېږه
ليلا لونگ په درمندو شيندلي دينه
لاس به دې وتړم په زلفو
په لونگين به دې وهم مړ به دې کړمه
توره لونگه رب دی ورک که
لیلا زما ، پر سینه ته وهې ټالونه
جانان می تور دی لونګین دی
د دیره خیاله غاړه جګه ګرزومه
د لونګین په لړ راخېژه
په اوږۍ شپه کړه د چارګل وکړه سیلونه
زما د صبر جام نسکور دی
د لونګین په څیر راغاړي وځه مینه
په ظاهر ګورم لونګین ته
خو پټ په زړه کي د سینې ګلان څارومه
نجلۍ د کلي کډه وکړه
د لونګین په بوی ملکونه لټومه
د غاړي هار ګوره کش نکړې
دا تور لونګ مي په سست تار پېئلي دینه
که زموږ کلی در نه ورک شو
د لونګین پر بوی راځه ، پیدا به شینه
تور لونګین دی مکرجن دی
ما د سیني سیل کاوه ، دی و شلیدنه
نجلۍ د مکر کچکول واخیست
ځوانان د کلي تور لونګ ور اچوینه
نجلی زه تا درویزه ګر کړم
کور په کور ګرځمه لونګ در ټولومه
که چا لونګ بوی کړي نه وي
اتم د مارچ نه د لونګو بوي راځینه
پای
ډنمارک هیواد ــ د ۲۰۱۹ کال د مارچ اتمه نیټه
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
