په مخکنيو بحثونو کې مو د ټرمپ د استيضاح په هکله څو خبرې درلودلې.
د استيضاح لړۍ د سيپټيمبر په ۲۴ نېټه پيل شوه.چې پدي يوه مياشت کې د ديموکرات ګوند غړو اسناد او شواهد راټول کړل. او مقدماتي څېړنې يي د شاهدانو او په موضوع پوري تړلو او باخبرو کسانو سره ترسره کړلې
دننه په استازو جرګه کې يي د ديموکرات او جمهوري غوښتونکو ګوندونو د استازو سره افهام او تفهيم وکړ، ترڅو په يوه واحد نظر د استيضاح پلوې وکړي.
دامريکا په تاريخ کې دا څلورم جمهور رئيس دی چې استيضاح کيږي.
لومړی جمهور رئيس ايندرو جان سن په ۱۸۶۸ کال،دوهم جمهوررئيس بيل کلينټن په ۱۹۹۸ کال، در يم جمهور رئيس ريچارد نيکسن، او دادئ څلورم جمهور رئيس ډونالډ ټرمپ دی چې استيضاح کيږي.
د اکتوبر مياشتې په ۳۱ نېټه د استازو خونې (اولسي جرګې) په (۲۳۲) رايو پرېکړه وکړه چې جمهور رئيس ټرمپ د استيضاح شي. له دې ډلې نه يو مستقل استازی وو او پاتي (۱۳۱) ديموکراتان وو.
او(۱۹۶)استازو مخالفه رايه ورکړه.دا ټول د جمهوري غوښتونکي ګوند غړي وو، يوازي دوه استازي د ديموکرات ګوند غړي وو.
يو ديموکرات او دري جمهوري غوښتونکو استازو رايه ورنکړه.
اوس نو د جمهور رئيس ټرمپ استيضاح په رسمي توګه پيل شوه.
د استازو خونې کميټې به په مختلفو برخو کې خپل نحقيقات پيل کړي.په پايله کې به خپلې موندنې و مشرانو جرګې ته ولېږې.
مشرانو جرګه به پرېکړه کوې چې جمهور رئيس ټرمپ ملامت او پړ دی که نه.
که نوموړی پړ وبلل شو نو هغه وخت به له دندې ګوښه شي. د يادونې وړ ده چې په مشرانو جرګه کې جمهوري غوښتونکی ګوند اکثريت لري. د دې امکان شته چې دا جرګه ټرمپ پړ ونه ګڼي بلکې هغه ته برأت ورکړي. لکه چې مو وليدل د استازو جرګه کې ټولو جمهوري غوښتونکو استازو د ټرمپ په پلوي رايه ورکړه.
داسي څرګنديږي چې د استيضاح موضوع ګوندي بڼه غوره کړيده ياني چې ديموکراتانو د ترمپ د استيضاح او پړ بللو پسي ملا تړلې ده ترڅو له دندې يي ګوښه کړي. له بلې خوا جمهوري غوښتونکي د ترمپ په ملاتړ کلک ولاړ دي.
اوس به نو په ديموکراتانو پوري اړه ولري چې د يو ښه غښتلي کيس په وړاندي کولو سره څومره د استازو او خلکو قناعت او ملاتړ ترلاسه کولی شي، ترڅو ټرمپ محکوم په ناوړه کړنو کړي.
د ټرمپ ناوړه کړنې مو په مخکنيو ليکنو کې په ګوته کړې دې.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
