له بده مرغه چې زموږ د ګران هیواد افغانستان په هر څه کې افراط او تفریط کېږي. دا د پېښو هېواد دی، هره ورځ نوې پېښې رامنځته کېږي، د دې پېښو د قربانیانو زیاته برخه ښځې دي. وروستۍ یوه اوونۍ کې یوازې په بغلان کې د څو داسې پيښو شاهدان وو چې ښځې د خاوند یاهم د خاوند کورنۍ لخوا ووژل شوې. په همدې لړ کې پرون په یوه تازه پیښه کې د ښار دننه د سړک پر غاړه د يوې مېرمنې جسد وموندل شو، خو له بلې خوا پوره یوه اوونۍ او یاهم ډیرې ورځې کېږي چې پر خواله رسنیو د مییانو د ورځې په اړه تبلیغات روان دي.
نن چې د مینانو ورځ وه، کرۍ ورځ مې پر فېسبوک او نورو خواله شبکو د مینې له پوسټونو پرته بل هېڅ ونه لیدل، د ځوانانو له خوا د دې ورځې، پر لمانځلو د رسنیو تمرکز هم ډېر و، ځینو د عاشقانو ورځې په پلمه خپل خاوند او میرمنې سره په تفریح تیره کړه، خو ډیرو ځوانانو چې لاهم د واقعي مينې پر مفهوم نه دي خبر ۔ د غرب او نورو په تقلید یوازې د دې ورځې په اړه پوسټونه کړي وو.
ډېرو ځوانانو خپلې واقعي مینې وپاللې، خو د ډیرو لپاره د ژوند د بدبختۍ د پیل ورځ ځکه وه چې د مینې تر نامه لاندې یې د فرېب او هوس کیسې روانې کړي چې دا ډول مینې په راتلونکي کې د تاوتریخوالي په لویو پېښو او عقدو بدلېدلی شي. زموږ ښار په یو څنډه کې نجونې د حاکم ناسم دود له امله تعلیم نشي کولای، خو د ښار بله خوا کې معشوقې له خپلو میینانو سره لاس په لاس روانې وي.
يوه خوا کې زموږ خویندې د انتخاب حق نه لري، خو ځينې بیا د عشق ملکې بلل کيږي، هیله ده چې ځوان قشر د ژوند هره برخه د انسانیت اوعدالت په چوکاټ کې ترسیم کړي، پیغلې او ځوانان باید له خپل ژوند او انساني ارزښت سره د تش په نامه مینې تر نامه لاندې لوبې ونه کړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
