خليلزاد او کرزی د يوې سوړې ماران دي :

زوړ شيطان تر پايه له خپل شيطانت او ګمراهانه غوښتنو لاس نه اخلي

خليلزاد د عراق تجربه تکراروله او همدېته يې خبره جوړه کړه

 

د امريکا لپاره د خليلزاد ټاکنه د افغاني ډيالوګ لپاره يوه ناسمه مشوره وه. خليلزاد نور بايد له مينځه ووځي! ولس نور مزاحمتي او دوه سری حکومت نه شي منلی

 

 

 

ښاغلی خليلزاد و خانزاده مشره،

ولس له تاسې په خورا درناوي هيله کوي چې نور له ولسمشر غني څخه په ارام شئ. نور يې په ارام پرېږدئ او کار وچوپړ ته يې خوشې کړئ.

 

همدرانګه له خپل پخواني جهادي مشر ښاغلي حاجي دين محمد په درناوۍ هيله کوم چې تا ته خو اصلاً په کار نه ده چې د غني پر وړاندې د عبدالله لکۍ پورې نښتی يې. تاسې خو يو پلا ښه ژور سوچ وکړئ ولې؟

 

د ښاغليو ډاکټر عمر زاخېلوال او احدي لپاره به همدومره بس وي :

صحبت صالح ترا صالح کند

صحبت طالح ترا طالح کند

 

له ډاکټر عبدالله، فضل احمد معنوي، همايون او داسې نورو دبله مارانو سره يارانه ستاسې لپاره داسې ده لکه د آهنګر دوکان که هلته بنۍ هم ونه وهئ، نو ايرې او د اور بڅرکې به درالوځي او له غني سره يارانه داسې ده لکه د عطار سره يارانه، که په حکومت کې ورسره هم نه ياست، خو چې مخالفت يې ونه کړې او ارام کښېنئ، نو بدنام او بد بوي به نه شئ. تاسې دواړه خو لږ په دې خپل ګرېوان کې سوچ وکړئ چې له اخلاقي پلوه تاسې دواړه له ګروهمن عبدالله او فضل احمد معنوي سره جوړ راځئ يا نه؟

کند همجنس با همجنس پرواز

کبوتر با کبوتر باز با باز

 

اګر چې احدي خو يوځلې مخکې د بيات د موبايلونو په معامله کې خپل ځان پر يو موبايل پلورلی وو، نو يو څوک چې دومره حريص شي، نو له هغه به انسان څه د سړيتوب تمه وکړي؟ احدي دې په دې پوه شي چې نور دی د تاريخ يوه پاڼه شو او راتلونکی نسل او تاريخ به پرې قضاوت وکړي.

 

له ښاغلي سياف هيله دا ده که پر خپل علميت باور لري، نو د اسلامي ارزښتونو پيغام ډېر روښانه دی او کتاب الله په روښانه او زغرده پيغام کې داسې وايی :

يا ايها الذين امنوا اتقوا الله وقولوا قولاً سديداً يصلح لکم اعمالکم الخ… [الاحزاب : ۷۰ – ۷۱]

 

اجماع واصلاح په سپينه خبره کې ده، نه په شخصي غوښتنو او نامشروع مصلحتونو کې اوس خوښه د ښاغلي سياف ده چې د الله تعالی او د عبدالله + کرزي دواړو او دبله مارانو ترمينځ يې د چا پلو نيسي؟ اساسي قانون هم ورته روښانه دی، نو يو څوک چې الله تعالی له پامه غورځوي او دبله مارانو ته ارزښت ورکوي، نو پخپل ايمان دې وويريږي.

 

د افغان ولس له امريکا په تېره بيا له ولسمشر ټرمپه دا ده چې نور د چا ناسمو، نامشروع او ګمراهانه مشورو او غوښتنو ته ارزښت ورنه کړي. خپل اصل او تګلوری په پام کې ونيسي. خپل، زموږ او نړيوالو اصولو او قوانينو ته درناوی وکړي. ولس له امريکا غواړي چې نور موږ او ولسمشر غني ته ستونزې جوړې نه کړي او خپل تېرې د لسيزو لاسته راوړنې له پامه ونه غورځوي.

 

په درنښت

سيد حسين پاچا

 

اشرف غني، د کرزي لخوا عبدالله ته د دولتي څوکۍ غوښتنې وړانديز رد کړ

http://www.dawatmedia24.com/%d8%b1%d9%88%d8%a7%d9%86%db%90-%da%86%d8%a7%d8%b1%db%90%d8%8c-%d8%ae%d8%a8%d8%b1%d9%88%d9%86%d9%87%d8%8c-%d8%b1%d8%a7%d9%be%d9%88%d8%b1%d9%86%d9%87/%d8%a7%d8%b4%d8%b1%d9%81-%d8%ba%d9%86%d9%8a%d8%8c-%d8%af-%da%a9%d8%b1%d8%b2%d9%8a-%d9%84%d8%ae%d9%88%d8%a7-%d8%b9%d8%a8%d8%af%d8%a7%d9%84%d9%84%d9%87-%d8%aa%d9%87-%d8%af-%d8%af%d9%88%d9%84%d8%aa%d9%8a/

امريکا غواړي د غني د لوړې مراسم وځنډيږي / رويټرز

https://www.pashtovoa.com/a/us-wants-afghan-president-to-postpone-planned-inauguration-/5302603.html

خليلزاد له غني او عبدالله د لوړو د مراسمو ځنډول غوښتي

https://www.bbc.com/pashto/afghanistan-51626043

رويټرز : خليلزاد غني ته ويلي د لوړې مراسم وځنډوي

http://www.taand.com/archives/145115

غني : افغانستان دايمي دوست او دښمن نه لري

http://www.taand.com/archives/145117

ارګ : په هر شان به ولسمشر د پنجشنبې پر ورځ لوړه کوي

http://www.taand.com/archives/145119