د مطالعې د ارزښت او اهمیت په اړه ډېر خلک خبرې کوي.(په ښوونځي او پوهنتون کې ښوونکي، په کور او کلي کې مشران، په ټولنیزو رسنیو کې ملګري او …) خو، د مطالعې د لارو چارو یا میتودونو په اړه لږ خلک خبرې/سپارښتنې لري. که لږ یې ساده ووایم، ټول خلک همدا وايي مطالعه اړینه ده او ډېرې ګټې لري خو دا نه وايي چې څه ډؤل مطالعه وکړئ؟
دا هغه پوښتنه وه چې زه یې لاندې کرښو تورولو ته وهڅولم. په دې لیکنه کې ما هڅه کړې تر څو یادې پوښتنې ته د خپلو تجربو او مشاهدو په اساس ځواب ووایم.
د نورو کارونو په څېر، مطالعه هم یو لړ قواعد یا لارې چارې لري؛ د اغېزمنې مطالعې لپاره لاندې لارې چارې په نظر کې ونیسئ!
– لۀ هرڅه وړاندې د مطالعې لپاره ارامه او مناسبه ځای وټاکئ ځکه چې چاپیریال په مطالعې ژور اغېز لري.
– په لوړ غږ یا حد اقل د شوڼډو په ښوروَلو کتاب ولولئ، دا کار تاسې سره مرسته کوي تر څو ډېر څۀ مو په یاد پاتي شي.
– ستونزمنې جملې څو ځله تکرار کړئ، نا اشنا لغتونه او اصطلاحات نوټ او مانا/مفهوم یې پیدا کړئ. دې موخې لپاره ګوګل او ډیکشنري کارولی شئ.
– د مطالعې په جریان کې لنډه وقفه واخلئ، ځکه مسلسله مطالعه ستړې کوونکې تمامیږي.
– د مطالعې پر مهال پنسل ځان سره ولرئ، په کتاب کې هغه موارد چې تاسو ته یې حفظ کؤل اړین بريښي، په نښه کړئ، د کتاب لۀ لوستلو وروسته؛ په نښه شوي موارد کتابچې ته نقل کړئ.
– هغوئ چې له مطالعې سره نوي دي، هڅه دې نه کوي چې یو کتاب په یوه یا دوه ورځو کې ولولي، ښه دا ده چې ورو ورو له مطالعې سره ځان عادت کړي. داسې کسان دې د مطالعې د پیل لپاره مجلې، ناولونه یا هغه کتابونه چې د مقالو ټولګې دي (لکه د اسدالله غضنفر کلتور او ټولنه) انتخاب کړي.
– که مو د داسې کتاب لوستل پیل کړل چې محتوا یې تاسې ته په زړه پورې نه وي، نیمايي کې یې پریږدئ. کۀ د دلچسپي نلرلو سره سره بیاهم لوستلو ته دوام ورکړئ؛ هيڅ به ترې زده نکړئ او هسې به مو خپل وخت ضایع کړی وي.
– هغه څه ولولئ چې مینه ورسره لرئ.
– د موبایل په څېر؛ کتاب هم ځان سره وګرځوئ.
– که کولای شئ هم مهاله څو کتابونه ولولئ، مثلاً کور کې یو کتاب او دفتر کې بل(ممکن دا ستراتیژي د هر چا لپاره ګټؤره وه نه اوسي، مګر ما کارولې او ګټوره راته تمامه شوې)
– هڅه وکړئ کوم څۀ چې مطالعه کوئ له خلکو سره پرې بحثونه وکړئ، د بحث لپاره تر ټولو ښه وسیله فیسبوک دی. دا کړنه ډېرې ګټې لري، یؤ خو به ستاسو لپاره ښۀ تمرین شي، له بلې خوا به مو کتاب او د مطالعې دود عامولو ته کمپاین کړی وي.
– د ستړیا یا نارامتیا پر وخت کتاب مه لولئ.
– هڅه وکړئ د مطالعې لپاره یو مناسب او ځانګړی وخت وټاکئ، ټاکل شوي وخت ته په ورځني تقسیم اوقات کې ځای ورکړئ او هره ورځ یې عملي کړئ. مثلاً سهار ۶ بجو څخه تر ۷ بجو، یا د شپې ۹ څخه تر ۱۰ بجو.
که غواړئ، ځان، ټولنې، هېواد او نړۍ ته خدمت وکړئ، نو کتاب ولولئ!
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
