د پښتون ژغورنې غورځنګ له ظهور وړاندې، په وزیرستان کې دا خبره ډېره مشهوره وه. پورتنی عنوان د وزیرستان د خلکو لهجه ده، غواړم په عامه لهجه یې تشریح کړم. دخوست او وزیرستان تر منځ یو کنډو دی، چې د مښو کنډو یې بولي، نو په وزیرستان کې به دا خبره کېده، چې له مښو کنډو ور ها خوا ټول کافر دي، مرګ یې روا دی.
خو کله چې پښتون ژغورنې غورځنګ رامنځته شو، نو دا خبره هم په بشپړه ډول له منځه لاړه.
خو تېره شپه له طلوع نیوز سره په تودو خبرو کې ولي الله، شاهین ورته یوه خبره وکړه، ځان یې د افغان وژنې فتوا ورکونکی وباله، په زغرده یې وویل: چې هرچا چې د افغانستان د نظام ننګه او ملاتړ کړی، هغوی د امریکایانو تر څنګ ولاړ دي او مرګ یې روا دی.
ولي الله شاهین په یو پوهنتون کې استاذ دی، زه نه پوهېږم چې زده کړې به یې په کومه برخه کې کړې وي؛ خو د خبرو په ترځ کې یې ځان یو مفتي وباله او د افغانستان د خلکو وژنه یې روا وبلله.
ولي الله شاهین هم د نورو په څیر فکر کوي چې طالبان به بیا بشپړه واک ته ورسېږی او ښاغلی شاهین به خپل خوا خوږی وبولي او یو غوړ مقام به ورکړي.
د دغه مقام د ترلاسه کولو په موخه که ایمان یې زیانمن او وجدان یې داغدار شي، توپیر نه کوي.
که په افغانستان او افغانانو هر څه کیېږي، که خپل یا پردي یې وژني، که د هیواد ځمکنۍ بشپړتیا یې په خطر کې وي، که ولس یې د غلام ابن غلام شي، دا هر څه دې وشي؛ خو چې ښاغلی شاهین د مقام څښتن شي.
ښاغلی شاهین د هغې مور له زړه څه خبر دی، چې طالبانو د هند سفارت پر وړاند یو موټر بم برید وکړ او د یوې مور دری زلمي زامن چې هلته یې کاروبار و شهیدان شول او دری واړو کونډي او یتيمان پاتې شول، ښاغلی شاهین به ښایي د هغه ټولو ترسلو زیاتو قربانیانو عام وژنه هم جایزه بولي چې په دې بېښه کې یې خپل ژوند له لاسه ورکړ.
دې ته ورته په سلګونو او زرګون نور بریدونه، چې د عامو افغانانو په قرباني کېدو سره مله وو، دا ټول به د شاهین په قول او فتوا روا وي.
د ده له دې خبرو نه یوه ورځ وړاندې د لوی اختر په مبارکه شپه د عرفې د مبارکې ورځې په پای کې د لوګر ولایت په مرکز کې چې کوم موټر بم برید وشو په لسګونو ملکې وګړي یې قرباني شول، شاهین به د دغه خلکو په درد پوهیږي او که نه؟
نو شاهینه ګله! تر تا وړاندې نورو هم دا دنده پر مخ وړې ده، هغوی خو له usid هم تنخوا اخېسته او د افغان وژنې له پاره یې په پراخه کچه تبلیغات کول اوس یې دا دنده تاسو ته سپارلې ده؛ خو کومه ګټه نه هغوی کړې او نه به تاسو ترې برخمن شی، که زما منی نو نور د افغانانو پر زخمونو مالګې مه دوړوی.
۱۳۹۹/۵ /۱۱
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
