آیا د اسلام دین د کړکیچ سره مخ دی؟

د مذهب دعوا دې پریږده سړی خوره  + ستا دعوا هله سهی ده ، چې انسان شې

(حمزه بابا)

په سرکې باید ووایم چې نه غواړم په دې لیکنې سره ، د لوړو لتاژ شارت شویو بریښنایی بټنوته لاس وروړم، او د هغو جاهلو چې لکه خوسا زړئ په سپیڅلی پوست کې یې ځان نغښتی وی، مغضوب وګرځم –خو په دې ورځو کې داسې ناوړه  پيښې ددې خوسا زړی له خوارامنځ ته کیږی چې دسړی اروا هغې خوا ته کشوی چې خدای مکړه د ځینې ناپوهه بنسټپالو د کړنو له وجهې ، زموږ متمدن دین چې پانګه یې په انسانیت ولاړه ده ، دکړکیچ خواته درومی.

اوس خلک له هغوجهادی مشرانو – اوتنظیمی ټیکه دارانونه حساب غواړی چې دتاسو دجهادثمره څه وه؟

که تاسو وایی چې (موږپه جهادسره شوروی له خپلې خاورې نه وویست اودړې وړې مو کړ) داادعا خوپه هغه غوړه مالۍ سره چې تاسودوه کاله مخکې مسکو ته وکړه اوهلته میلمانه وی ځکه باطلیږی چې روسیه څو چنده ځواکمنه شوې اوتاسو له باران نه ناوې ته (امریکې ترپښو) لاندې پریوتی یاست .  ((قبرکن سابقه را خدابیامرزد))

هلته موداسې وښودله چې ګواکې هغه جهاد چې تاسو دروس پرضد کړی وو – بد مو کړی او ترې پیښیمانه یاست (انځورونه شاهدی ورکوی)

له هغه جهاد نه نورې لاسته راوړنې به موداوی :

الف : د ساده او پاکو مجاهدینو په وینو سوداګری ، چې تاسو له هغې وجهې ټول امتیازات لاس ته راوړل – سوا له هغه چور، تالان او غصب واختلاس مو وکړله ځانه څخه مو قارونان جوړکړل.

ب  : همدااوس د تاسود لارویانو (اخوان الشیاطین ، داعش اوداسې نور….) اودتاسې دکړن لارې (زوذات) ټول افغانستان نه سور تنور جوړکړی ، چې هر افغان پکې سوځی.

ج : افغان ټبرمو [په پاکستان کې د مدرسو د ثمرله وجهې) له جهالت سره مخ کړ، همدااوس مودپښتون ستر ټبردنورو قومونوتر نظره منفور ګرځولی ، نړۍ ته مو د اقوم وحشی وروپیژانده – لوستی او منور پښتانه د نورو قومونو تر پیغور لاندې دی اوپورته نشی ورته کتلای [ دپښتنو په هره سیمه کې چې قیر سړک دی په بل مخ اړول شوی]

موږله شرمه د نورو په مینځ کې پښتو نشوویلای – خدای پاردی لږسمې لارې ته شی ، انسانیت وپیژنی ، په خپل راتلونکی کهول رحم وکړی!

موږ لیونی وبولی خو تاسې دې خدای سمې لارې ته  هدایت کړی !