افغان حکومت او طالبانو توافق ته د رسیدو خبر ورکړی

0 556

افغان حکومت او د طالبانو استازي وايي چې دوی د سولې د بین الافغاني مذاکراتو د پیل پر کړنلارې توافق ته رسیدلي دي او په دې ترتیب دا د دواړو لورو ترمنځ په تیرو ۱۹ کلونو کې لومړنی لیکلی توافق دی.

د افغانستان د حکومت او طالبانو استازو د چهارشنبې په ورځ وویل چې دوی د سولې د خبرو د کړنلارې پر سر ابتدايي توافق ته رسیدلي دي.

د دواړو لورو ترمنځ دغه ابتدايي توافق د سولې د پرمختګ په برخه کې یو مثبت ګام ګڼل کیږي او په دې توګه دواړه لوري اوس کولی شي چې د مذاکراتو په بل پړاو کې د اوربند په څیر پر نورو مهمو مسایلو خبرې او مذاکرات سره وکړي.

د افغانستان د مرکچي پلاوي غړي نادر نادري د رویترز خبري اژانس ته وویل: «د مقدمې په ګډون د مذاکراتو کړنلاره نهايي شوې ده او سر له ننه به د اجندا پرسر مذاکرات پیل شي.» د طالبانو ویاند هم پر ټویټر باندې د دغه پرمختګ او توافق موضوع تائید کړې ده.

بل لوري ته د افغان سولې له پاره د امریکا متحده ایالاتو ځانګړي استازي زلمي خلیلزاد، ویلي دي چې دواړه لوري د سیاسي تګلارې او هر اړخیز اوربند د مذاکراتو پر قوانینو او طرزالعمل توافق ته رسیدلي دي. خلیزاد په یوه ټویټري پیغام کې همدا راز لیکلي دي چې دغه توافق د دې ښکارندوی دی چې دواړه لوري کولی شي پر سختو مسایلو هم توافق ته ورسیږي.

دا په داسې حال کې ده چې د افغان حکومت او نړیوالې ټولني پر غوښتنو سربیره د مذاکراتو په دې ابتدايي پړاو کې تر اوسه پورې طالبانو د اوربند غوښتنو ته د رد ځواب ویلي دی.

سربیره پر دې، طالبان د افغانستان د حکومت مرکچي پلاوی هم د حکومت د استازي په توګه نه پیژنې، بلکې دوی د عادي افغانانو په توګه پیژني.

طالبان د ولسمشر غني په مشرۍ د افغانستان حکومت ردوي او هغه د امریکا متحده ایالاتو یو لاسپوڅی حکومت ګني.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply