په انقره کې د بیلکنت پوهنتون څیړونکو د یوې نوې آزمایشي آلې د جوړولو خبر ورکړی دی چې د کرونا ویروس د تشخیصولو سرعت یي ۱۰ ثانیو ته را ټيټ کړی. د ترکي څیړونکو په خبره د دې آلې د معاېنې دقیقوالی تر ۹۹ سلنه پورته ده.
په نړیواله کچه مختلف شرکتونه په چټکۍ سره د کرونا ویروس د تشخیصولو دستګاو پر جوړولو کار کوي او ځینې یي بازار ته هم وړاندې شوي دي. خو تر اوسه پورې هیڅ یوه دستګاه یا آزموېنه نه ده توانیدلې چې په ۱۰ ثانیو کې پر کرونا ویروس د یوه کس اخته کیدل دې تشخیص کړي.
په انقره کې د بیلکنت پوهنتون د نانو ټکنالوژۍ ملي تحقیقاتي مرکز د دغه هیواد د څیړونکو له خوا د نانو تخنیک پر بنسټ د تشخیصولو یو سیستم معرفي کړی دی. د دغه مرکز د څیړونکو په خبره دغه دستګاه یا آله د دې وړتیا لري چې بې د پوزې د مخاط د نمونې له اخیستلو څخه په لسو ثانیو کې د خولې د ترشحاتو له مخې پر کرونا ویروس د یو کس اخته کیدل تشخیص کړي.
د ترکیې دولتي خبري آژانس آناتولي لیکلي دي چې د دیاګنوویر”Diagnovir” د پرمختللي ټکنالوژۍ په وسیله د کووید-۱۹ ناروغۍ د تشخیصولو میتود د لومړي ځل له پاره د ترکي متخصصینو له خوا کشف او اختراع شوی دی.
د ترکي رسنیو په حواله دا به په نړیواله کچه د (PCR) ټسټونو چې اوس په ټوله نړۍ کې معمول دي ځای ونیسي، ځکه دا میتود ډیر چټک او په څو ثانیو کې نتیجه ورکوي. مسئولینو تر راتلونکو دوو میاشتو پورې په پراخه کچه د دې دستګاه د تولید خبر ورکړی دی.
د دغو څیړونکو په حواله که د یوه کس د کرونا ټسټ مثبت وي دغه آله یا دستګاه یې له ۵ تر ۱۰ ثانیو کې معلوموي، او که منفي وي له ۲۰ تر ۳۰ ثانیو پورې وخت نیسي او د بشپړې ارزونې نتیجه یې مشخص کیږي.
د ترکي څیړونکو په حواله دغه دستګاه د روغتیا نړیوال سازمان (WHO) د ستندردونو یا معیارونو مطابق جوړه شوې ده، خو تر اوسه پورې د نوموړي سازمان له خوا د دې دستګاه د تائید او بازار ته د وړاندې کولو په اړه کومه اطلاع نه ده ورکړل شوې.
دوچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
