طالبان ولې د سولې خبرې ځنډوي؟

د ملي امنیت عمومي رییس احمد ضیاء سراج د ولسي جرګې غونډه کې وکیلانو ته د ځینو موضوعاتو په تړاو مالومات ورکړل.

هغه وویل چې د سولې خبرې ځکه ټکنۍ روانې دي چې طالبان پلان لري، دا پروسه د بهرنیو ځواکونو تر وتلو پورې وځنډوي.

تحلیل دا دی چې طالبان ځکه غواړي دا پروسه وځنډوي چې فکر کوي، که بهرني ځواکونه ووځي، دوی به کابل فتحه کړي، خو طالبان تراوسه نه ده درک کړې چې دا شل کاله مخکې افغانستان نه دی اوس ډیر څه تغیر شوي دي، اوس د طالبانو د زمانې فکرونه نه دي چې طالبانو به په خلکو دیکتاتوري کوله.

د مالوماتو له مخې، طالبانو په تیر یو کال کې په افغانستان کې ۱۸۵۰۰ بریدونه کړي او په دې بریدونو کې زیات قرباني یې ملکي وګړو ورکړې ده.

طالبان چې له نړیوالو سره د سولې تړون ته ژمن نه دي پاتې شوی، هیڅ ژمنه باندې یې باور نه دی پکار.

د مالوماتو له مخې، د طالبانو جنګي قومندانان حاضر نه دی چې القاعده ډلې سره اړیکې پرې کړي ځکه جنګي قومندانان له دې ډلې پيسې او امکانات ترلاسه کوي او بدل کې طالبانو ورته پټنځایونه برابر کړي دي.

طالبان چې د فتحې خوبونه ګوري، اوسنی وضعیت ورته د ۹۰یمو کلونو وضعیت ښکاري چې د مجاهدینو ترمنځ خپلمنځي جګړې وې، خلک له تنظیمي حکومت په تنګ راغلي و او طالبانو ته یې هرکلی ووایي.

اوس خو حکومت د خلکو له لوري ټاکل شوی، هره پروسه کې خلک دخیل دي، له خلکو سره مشوره کیږي، خلک له خپلو حقونو برخمن دي، بشر حقونه د بیان ازادي، هغه څه دي چې خلک د حکومت او حکومت د خلکو دی.

طالبانو خو په زور باندې خلک ځورول، زنداني کول یې، وژل یې، دې ته یې بیا د شرعیت نوم ورکو.

اوس خلک په ژوند او حکومتي اړیکو باندې پوه دی، اوس خلکو ولیدل چې جمهوریت څه ته وایي.

که طالبان په رښتیا غواړي چې د دې نظام برخه شي، خپله ارام ژوند وکړي او نور ارام ته پریږدي، نو وخت دی چې سوله وکړي او له جګړې او تاوتریخوالي لاس واخلي.

طالبانو ته پرته له سولې بله لار نه ده پاتې، که یې سوله وکړه، ژوند به وکړي، کنه یا به وژل کیږي او یا به زنداني کیږي.