سـترګي پرانیزه ، چې بل شــــانی اثر لري بهـــــار
صاحبدل ته ســـل اسراره ، جــــلوه ګـــر لري بهار
خــاوند د معـــــرفت ته یې ،غــــــوړولي دي جلوي
د عــبرت په دې بیدیا کې ، دا هـــــنر لري بهـــــار
خوبه وړي ســــبزه ، ویښ کاندی له خوبه د غفلت
ای غافله دومــــــره تا باندی ، نــظــــــر لري بهـار
د خالق چې په کې ښکاري ، جــلوې هره ورشوکې
په ښـــکلا کې داسي حُــــسن ، او زیور لري بــهار
له مونږ یې تمــه داده ، چې د زړه سترګي بینا کړو
دومره هــــــیله له آشـــنا نه ، مخــتصر لري ، بهار
عبرت ټکي چې ټـــول کړي ، له لوحی ، د هر چمنه
د عقـــل و هــــوش پر خـــاوندانو ، باور لري بهار
که روحی آرامی غواړې ، خـــــلوته څـــــخه ووځه
چې د علم او مـــعرفت هم ، لوی ګـــوهر لري بهار
غافلان چـــیرته پوهــــیږي ، په رمـز د دي اسرارو
د عارف ســترګو کې ګوره ، څــه محشر لري بهار
د عبرت نښــي پرتي دي ، خــارو خَس کې د ګلشن
د حکمــت او معرفت ، دلـــــته دفـــتر لري بهـــــار
د وږمی په څیري ووځه ، له ګــــریوانه د غــــوټۍ
دومره تمـــه هـــم له تا نه ، د جـــوهــــر لري بهار
وږمو اثر به څنـــګه ، مړاوي زړونه تازه نه کـړي
په هر لور د دې ګلـشن کې ، چې ګــــذر لري بهار
سمـــه او غـــر یې ، په رنګـین ګـــلونو دي پوښلي
د چمن په هر ورشــــو کې ، ښه منـــظر لري بهار
چې مســــتان مـو کړي نغــمي د، سحر خیزه بلبلان
دغه فیض د کیـــــفیت هـــــم ، په ســــحر لري بهــار
آییـنيې کې د خــــودۍ ، د فـــــــــــنا ټکي در ښایي
د عبــرت داســـي درســـــــونه ، مـکرر لري بهار
د خزان نــښي چـــې ویني ، بـــــــشره کې د ګلونو
د فـــــنا لدې کــــــاروانه ، هم خـــــــــبر لري بهار
بهارونه وار په واره ، خــــزان په لـوري درومی
قافلي په شــــان د عــــــمرهم ، ســفر لري ، بهار
۲۰اپریل ۲۰۲۱
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
