د اروپاي اتحاديې غړو هېوادونو د داخلي چارو وزيرانو د افغان پناه غوښتونکو د وضعيت په اړه د ضطراري ناستې غوښتنه کړې. باید د هغو سره مرسته وشي، چې په افغانستان کي د لويديځو هېوادنو سره د همکارۍ له کبله اوس په خطر کي دي.
د اروپا د اتحاديې د داخله چارو پخواني وزير يو وار بيا د خپلو سيالانو د انسانی ضمير يادونه وکړه. د لوکزامبورګ داخله چارو وزیر ینس آسلبورن وويل:« موږ د هغه افغان پناه غوښتونکو له پاره چې په قانوني لار اروپا ته داخليږې، سهمیه ورکولو ته اړتیا لرو.»
آسلبورن د اطريش پر دريځ باندي سخت انتقاد وکړ او وې ويل:« د اروپايي اتحاديې غړې هېوادونه په پای کې بايد دا وښيې چې موږ له انسانانو سره مرستې ته چمتو يوو. هغه زياته کړه:«دا په ريښتیا سره ډيره ويروونکي ده او انسان ناهيلې کوي. دغه ډول پوپولیستې خبرې يوازې ويره او ډار خپروي. بايد مسايل سره په ګډه حل کړو.موږ نه شو کولی د افغانستان انسانان د سپوږمۍ کرې ته ګوزار کړو.»
اتريش
د اتريش داخله چارو وزير کارل نهامر، د افغان پناه غوښتونکو د نه قبلولو په اړه په سخته لهجه غږيدلې دې. د هغه په خبره:« تر ټولو لومړي توب دا دې چې د افغانستان ګاونډيو هېوادونو سره خبرې وشي،تر څو وکړای شی چې حفاظت او مرسته په خپله په سیمه کي ورته تضمين شي.»
د نهامر په نظر د اروپایي اتحادیه پردې برسیره د خپلو سرحداتو لا زياته ساتنه وکړي. هغه وايې:« هيڅ کوم دلیل شتون نه لري،چې ولې اوس باید افغانان اتريش ته راشي.»
يونان
ليسبوس په ټاپو کې د کاراتپه په نوم د پناه غوښتونکو کمپ
يونان هم د افغان پناه غوښتونکو قبلولو ته حاضر نه دې. د دغه هېواد د مهاجرت وزير نوتیس ميتاراکي په دي اړه وویل:« چې يونان به يو ځلې بيا اروپا په لور د پناه غوښتونکو په بې قاعدې هجوم باندې بدل شی.» نوتس یتاراکی زیاته کړه: په اوسنيو شرايطو کې مسله دا ده چې د بشردوستۍ له مخې ځينو کسانو او د هغوي کورنيو ته پناه ورکوو،چې په افغانستان کي د ناټو د ماموريت پر مهال يې د يونان نظامي ځواکونو سره مرسته کړي،چې شمير يې څو سوو ته رسیږې. هغه وویل د افغانانو ته تر ټولو مناسب ځای اوس ترکیه ده.
فرانسه
د فرانسې دولت همدا اوس کوښښ کوي چې د هېواد جمهور ریس امانويل مکرون خبري يو څه سمې کړي، کومې چې په داخل کي له سختو نيوکو سره مخ شوي دي. مکرون په تلويزيوني خبرو کي له افغانستان څخه د (پناه غوښتونکو د بې قاعدې) بهیر پر وړاندې خپل مخالفت اعلان کړ. د دولت وياند ګابريل آتال د چهارشنبې په ورځ د (اګست ۱۷مه) وضاحت ورکړ،چې هر کال په فرانسه کې په زرونو افغان پناه غوښتونکي قبليږې،چې د جګړو له کبله خپل هېواد څخه يې تيښته کړي. هغه زياته کړه:« موږ په دي ډول د پناه غوښتونکو قبلولو د چمتووالې بهير ته دوام ورکوو.» فرانسې د چهارشنبې په شپه کابو ۱۸۰ کسان د بشردوستۍ له مخې له کابل څخه وليږدول.
ایټالیا
د ايټالیا لومړي وزير ماريو دراګی تر اوسه هم له افغانستان څخه د پناه غوښتونکو په اړه خپل دريځ نه دی څرګند کړی. هغه ویلي: د اروپايانو لومړيتوبونه دا دي، هغه افغانان قبول کړي،چې له لويديځوالو سره يې همکاري کړي او يا يې د ښځو حقوقو له پاره کوښښونه کړي دي.
هالنډ
په هالنډ کي هم اوس په دي خبرې او بحثونه کیږي،چې د هغه افغانانو سره چې د ناټو ماموريت په چوکاټ کي یې له مرسته کونکو سازمانونو سره همکاري کړې وي، پناه ورته ورکړل شی.په دوی کې يوازي څو سوه کسان راځي. په خواشینۍ سره چې د هالند لومړنۍ الوتکه د دغه کسانو ليږدولو له پاره د کابل په هوایي ډګر کې د ګډ وډيو له کبله مجبوره شوه هالنډ ته خالي راستنه شی.
اسکاندیناوي هېوادونه
دنمارک په تيرو میاشتو کي خپل د پناه غوښتني سیاست دومره سخت کړي، چې حتی سوريايې مهاجرو د پناه غوښتنې يې هم رد کړی او دمشق ته د اجباري بيرته ګرزيدلو تر خطر لاندې راغلي دي. نو ځکه په دغه هېواد کي د افغان پناه غوښتونکو قبليدل په اوسنيو شرايطو کې امکان نه ليدل کېږې.په سويډن کې هم ورته وضعيت دې.ائتلافي دولت په کمزوري موقعيت کې دې او د پناه غوښتونکو د قبلولو په اړه د ليبرالانو پخوانی سیاست د ښې اړخو ګوندونو د فشارونو قرباني شوی دی.
په سويډن کې هم ورته وضعيت دې.ائتلافي دولت په کمزوري موقعيت کې دې او د پناه غوښتونکو د قبلولو په اړه د ليبرالانو پخوانی سیاست د ښې اړخو ګوندونو د فشارونو قرباني شوی دی.
د پناه غوښتونکو قبليدلو له پاره مظاهرې
آلمان
د آلمان تصوير په دې برخه کي ډير روښانه نه دی. د تيرې اونۍ په وروستيو کي د برلين د محاسبو له مخې هغه شمير افغانان چې په تير مهال کې د آلمان له پوځ سره همکاري کړې ده، مدنی فعالان او غير دولتي سازمانونه چې هغوی بايد د بشري دلایلو له کبله قبول شی،کابو ۱۰ زره کسان دي. برسیره پر دې د آلمان صدراعظمې انګيلا میرکل د اروپايې اتحاديې د همغږي کیدلو غوښتنه کړي ده.
کابو دوه ميلونه افغان پناه غوښتوکي په پاکستان کی اوسيږې.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.