ايټاليا د کليساو د ټولنو په همکارۍ په اصطلاح د بشري دهليز له لارې ۱۲۰۰ افغانان ايټاليا ته راولي. دغه کسان به په لومړي سر کې دوه کاله په ايټاليا کې د پاتیدو اجازه ولري.
د ايټالوي رسنيو په حواله د اړوندې هوکړې له مخې به له خطر سره مخامخ افغانان په قانوني او خوندي توګه ایټالیا ته را انتقال شي. په دې پروژه کې د لومړي وزير ماريو دراګي د حکومت ترڅنګ د اسقفانو کنفرانس، د سانت اګيديو کاتوليکي اتحاديه، د ايټاليې د پروتستانت کليساو اتحاديه، والدستنر مرستندويه ټولنه او يو شمير نور سازمانونه او ادارې شاملې دي.
د دغې هوکړې له مخې به انتقال شوي افغانان لومړی د دوو کلونو له پاره په ايټاليا کې د پاتېدو اجازه ولري، له دې امکان سره چې اقامه یې يو کال نوره هم وغځيږي.
د معلوماتو په حواله د کاتوليکي اسقفانو ټولنه د ۳۰۰، د اېټالیې د کورنيو چارو وزارت د ۴۰۰ او د سانت اګيديو ټولنه به د ۲۰۰ کسانو مسئوليت پر غاړه واخلي. د والدستنر مرستندويه ټولنه او پروتسنانت کليساو اتحاديه غواړي په شريکه د نورو ۲۰۰ افغانانو مسئوليت ومني.
د کاتوليکي اسقفانو اتحادیې په يوه اعلاميه کې ويلي چې هدف لري چې ډېر ژر به د دغو کسانو شمیر ۲۰۰۰ ته لوړ کړي. زياته شوې چې دغه کسان د يوه ترانزيت هېواد لکه پاکستان او يا ایران له لارې ايټالیې ته انتقاليږي او په بېلا بېلو سيمو کې به ځای پر ځای شي چېرې چې د هغوی له پاره د کاريتاس خيريه ټولنې په مرسته د ادغام مختلف پروګرامونه په نظر کې نيول شوي دي.
د سانت اګيديو ټولنې مشر مارکو امپاګليازو وويل: «ايټاليا هغه هېواد دی چې بشر دوستي یې په روښانه توګه دنده ده.» نوموړي زياته کړه چې په افغانستان کې واک ته د طالبانو تر رسېدو وروسته دوی غوښتل چې له خطر سره د مخ وګړو سره مرسته وکړي.
هغه زياته کړه چې بشري دهليزونه دې موخې ته د رسېدو وړ لارې دي. د دې دهلیزونو په مرسته په تېرو کلونو کې څه نا څه ۴۰۰۰ له ځانګړي ګواښ سره مخ افغانان ايټاليا او همدا راز نورو اروپايي هېوادونه ته رسيدلي دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.