په مزارشریف ښار کې د څو تنو ښځینه فعالانو د وژل کیدو تر راپورونو وروسته، طالبانو رسنیو ته تائید کړې چې د شنبې په ورځ په مزارشریف ښار کې د ښځو څلور جسدونه موندل شوي دي. طالبان وايي چې په دې هکله یې پلټنې پیل کړي دي.
طالبانو رسنیو ته د یوه ویډیويي پیغام له لارې په مزار شریف ښار کې د څلور تنو ښځو د جسدونو د موندلو خبر تائید کړی دی او وايي چې په دې تړاو یې دوه تنه شکمن کسان هم نیولي دي. د طالبانو د کورنیو چارو د وزارت ویاند قاري سعید خوستي په دغه ویډیويي پيغام کې زیاته کړې چې مشکوک کسان د مزار شریف ښار په پنځمه امنیتي حوزه کې له یوه کوره نیول شوي دي.
خوستي ویلي چې نیول شویو کسانو په لومړنیو تحقیقاتو کې منلې چې یادې ښځې د دوی له لوري دغه کور ته وربلل شوې وې. هغه زیاته کړې چې په دې هکله نور تحقیقات هم ادامه لري او دا چې دغه دوسیه یې محکمې ته د لا ډیرو څیړنو له پاره سپارلې ده.
که څه هم د طالبانو د کورنیو چارو وزارت ویاند قاري سعید خوستي د یادو ښځو د هویت په هکله څه نه دي ویلي خو په مزار شریف کې سرچینو د فرانسې خبري آژانس ته ویلي چې په وژل شویو میرمنو کې یوه د ښځو د حقونو فعاله هم شامله ده. د یاد خبري اژانس په حواله، د هغې کورنۍ له رسنیو سره له خبرو ډډه کوي.
د معلوماتو له مخې یادې څلور ښځې په خپلو کې ملګرې او همکارانې وې چې غوښتل یې د مزارشریف له هوايي ډګر څخه بهر ته پرواز وکړي. د حقونو د دفاع له ډلې څخه یوې سرچینې د فرانسې خبري آژانس ته د نه نوم ښوولو په شرط ویلي چې دوی له افغانستان څخه د اخراج په هکله یوه تلیفوني اړیکه ترلاسه کړې وه او بیا د یوه موټر په واسطه انتقال شوې وې چې تر دې څو ورځې وروسته یې جسدونه د مزارشریف ښار په یوه څنډه کې موندل شوې وو.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.