اوکراين سره د همکارۍ دوام؛ برېتانيا ورسره نن پوځي مرسته اعلانوي
ټاکل شوې د بریتانیا صدراعظم بوریس جانسن نن سې شنبه له اوکراین سره د څه باندې ۳۰۰ ملیون ډالرو په ارزښت د نورو پوځي مرستو اعلان وکړي.
دا اعلان داسې مهال کېږي، چې د اوکراین له کلابند شوي بندري ښار ماریوپول څخه پرون د خلکو د یوې ډلې تر ایستل کېدو وروسته روسیې یو وار بیا پر دغه ښار راکټي حملې پیل کړي دي.
له کله چې روسیې پر اوکراین یرغل پیل کړی، د بوریس جانسن له خوا د اوکراین پارلمان ته وینا، د یوه بهرني هېواد د مشر لومړۍ وینا ګڼل کېږي.
د بوریس جانسن دفتر وايي، دی به د اوکراین پارلمان ته د ویډیو له لارې په وینا کې له دغه هېواد سره د ۳۷۶ ملیون ډالرو په ارزښت د نورو پوځي مرستو اعلان وکړي.
ځینو نړیوالو رسنیو لیکلي، بریتانیا مخکې هم د میزاییلو او راکټ لانچرونو په ګډون اوکراین ته پوځي تجهیزات لېږلي وو.
په تازه مرستو کې برېښنايي جنګي تجهیزات، د توپچي رادار سیسټم، د GPS د جام کولو وسایل او په زرګونو هغه وسیلې چې د شپې له خوا ورباندې هرڅه لیدل کېږي، شامل دي.
بلخوا د چارواکو په خبره ټاکل شوې اروپايي کمېسیون د یو لړ اقداماتو بسته پېشنهاد کړي، چې د روسیې پر تېلو بندیز هم شامل دی.
ډیپلوماتانو ویلي، دغه بندیزونه به د روسیې تر ټولو لوی بانک سبربانک هم په نښه کړي، چې د بانکي ارتباطاتو له نړیوال سیسټم سویفت څخه به بې برخې شي.
د اوکراین په جنوبي-بندري ښار ماریوپول کې د ملکیانو د ایستلو بهیر وروسته له هغې ټکنی شو، چې روسیې بېرته خپلې راکټي حملې پیل کړې.
پرون هلته د فولادو له یوې فابریکې د سلګونو راګیر پاتې شویو ملکیانو لومړۍ ډله وایستل شوه.
د ماریوپول د ښاروال مرستیال سرګي اورلوف بي بي سي ته ویلي، له دغه ځایه د نورو کسانو د ایستلو لپاره د اوکراین، روسیې او نړیوالو سازمانونو ترمنځ په لوړه سطحه خبرې روانې دي.
له ماریوپول او نورو ښارونو د خلکو د ایستلو لپاره د خوندي دهلېزونو د پرانیستلو مخکنۍ هڅې له ناکامۍ سره مخامخې شوې دي.
د بمباریو له کبله ماریوپول ښار اوس په کنډوالو بدل شوی دی.
دغه ښار کریمیا ټاپووزمې ته څېرمه پروت دی، هغه ځای چې روسیې په ۲۰۱۴م کال کې په غیرقانوني ډول د اوکراین له خاورې جلا او له خپل قلمرو سره الحاق کړ.
اټکل کېږي چې شا و خوا سل زره کسان به په ماریوپول کې راګیر پاتې وي. د اټکل له مخې شا و خوا ۲۰۰۰ اوکراینیان چې د روسي ځواکونو په وړاندې جنګېږي، د فولادو په فابریکه کې اوسي.
په ماریوپل وې شا و خوا څلورسوه زره کسانو ژوند کاوه.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.