د هند او طالبانو ترمنځ اړیکې، پاکستان ته څه پيغام لري؟

1,077

کابل ته تللي هندي پلاوي له طالبانو سره پر دېپلوماتیکو او اقتصادي اړیکو خبرې کړې دي. رپوټونه وايي چې طالبانو له هند څخه په کابل کې د سفارت پرانېستلو غوښتنه کړې.

Russland Moskau Afghanistan-Gespräche Mullah Baradar Talibanآرشیف انځور

د طالبانو د بهرنیو چارو وزارت ویلي دي چې کابل ته د هندي پلاوي په سفر کې دواړو اړخو هوکړه کړې چې د افغانستان او هند ترمنځ به تګ راتګ ډېریږي.

د دغه وزارت ویاند عبدالقهار بلخي پر خپله ټویټر پاڼه لیکلي دي چې هندي پلاوي د بهرنیو چارو وزارت سیاسي مرستیال عباس ستانکزي سره کتلي: «محترم ستانکزي صيب په خپل وار هندي لوري ته ډاډ ورکړ چې له هندوستان سره د افغانستان اړيکې به د متقابل احترام او ګډو دوه اړخيزو مشروع ګټو په رڼا کې پر مخ ځي او د نورو هيوادونو له خپلمنځي سياليو او شخړو څخه به نه اغېزمنيږي.»

دغه راز په رپوټونو کې راغلي چې طالبانو په کابل کې د هند سفارت د بیا پرانېستو غوښتنه کړې.

د طالبانو او هند پخوانۍ پټې اړیکې

سره له دې چې واک ته د طالبانو تر رسېدو وروسته په لومړي ځل هندي پلاوي کابل ته سفر وکړ، خو یو شمېر کتونکي وايي، هند او طالبانو پخوا هم د پردې تر شا اړیکې پاللې.

Afghanistan Salma Hydroelectric Staudamm in Heratآرشیف انځور

په اسلام آباد کې پاکستاني خبریال طاهر خان دویچه ویله ته وویل:«د طالبانو او هند ترمنځ مخکې هم غونډې شوې دي، تېر کال په قطر کې غونډه وشوه او شیرمحمد عباس ستانکزی په قطر کې د هند سفارت ته ورغلی و، د هندي رسنیو داسې رپوټونه هم شته چې په متحده عربي اماراتو کې د هغوی ترمنځ پټې رابطې وې.»

دا څرګندونې داسې مهال دي چې د طالبانو دفاع وزیر ملا محمد یعقوب له یوه هندي ټلویزوني چاینل سره په مرکه کې ویلي دي چې له هند سره تر دېپلوماتیکو اړیکو وروسته پر پوځي همکاریو هم فکر کوي.

Afghanistan Indien Staudamm Projektآرشیف انځور

له دې پرته د طالبانو د بهرنیو چارو وزیر امیرخان متقي او یوشمېر نورو طالب مشرانو هم له هندي رسنیو سره مرکې کړي.

ځيني کارپوهان په دې نظر دي چې په دې وروستيو کې د ځينو طالب مشرانو او پاکستان ترمنځ بې باوري رامنځته شوې او غواړي چې له هند سره په اړیکو سره پاکستان ته یو پيغام ورسوي.

پاکستانی خبريال طاهر خان وايي: «ملا یعقوب چې کومه خبره کوله چې موږ له هندوستان سره دفاعي اړیکو ته هم تیار یو زما نظر دادی چې د هغه او پاکستان ترمنځ بې باوري ده، ممکن دی چې په دې سره یې پاکستان ته هم پيغام ورکول غوښتل.»

دغه پاکستانی خبریال زیاتوي چې له بلې خوا هندوستان هم نه غواړي چې افغانستان دې پاکستان ته په همدې ډول پریږدي.

هاخوا یوشمېر افغان شنونکي په دې باور دي چې په سیمه کې انډولیز بهرنی سیاست د طالبانو د اوسني رژیم په ګټه دی.

Eröffnung von Salma Wasserkraftwerk Afghanistan Besuch Narendra Modiآرشیف انځور

په کابل کې سیاسي شنونکي حبیب الله جانبدار د طالبانو پر حکومت غږ کوي چې له هند سره خپلې اړیکې پراخې کړي: «تاسو ته مالومه ده چې پخوا دوی افغانستان ته په ټنونو غنم هم راولېږل نورې مرستې یې هم وکړې او د دې په ادامه به هندوستان په کابل کې خپل سفارت هم پرانیزي.»

طالبانو کابل ته د هندي پلاوي د سفر پرمهال له هغه هيواده غوښتي چې د خپلو درول شویو پروژو چارې له سره پيل کړي.

د هند حکومت تراوسه له طالبانو سره د خپلو اړیکو د څرنګوالي بشپړ جزیات نه دي ورکړي، خو کابل ته د خپل پلاوي د سفر په اړه یې ویلي دي چې هغوی له افغانستان سره د خپلو کړو مرستو بهیر څاري.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.