د لندن اکانومسټ مجلې یو رپوټ له مخې طالبان د مالیې په ټولو کې د تجربې له مخې ښه حکومتوالی کولی شي

د لندن اکانومسټ مجلې یو رپوټ وايي

د ط.. البانو حکومت مالي مدیریت ”له هغه څه ډېر غوره دی، چې ډېرو یې تمه کوله.” دغه مجله په یوه رپوټ کې د نړیوال بانک د معلوماتو له مخې وايي، اټکل دی چې ط.. البان به روان کال د ګمرکونو، خدماتي تعرفو له لارې یو اعشاریه اووه میلیارده ډالره داخلي عواید ټول کړي، چې د مخکیني حکومت ۲۰۲۰ کال دوه اعشاریه درې میلیاردو ډالرو داخلي عوایدو له څلورو، دریمې برخې ته رسېږي.

د اکانومسټ رپوټ کې ویل شوي، د پیسو ټولولو کې د ط.. البانو د بریالیتوب یو لامل دا دی چې دوی ”د مالیاتو په ټولولو کې اوږده تجربه لري او په تېرو دوو لسیزو کې یې تر خپل کنټرول لاندې سیمو کې د جګړه ییزې ډلې په حیث له کروندګرو د عشر او ذکات او مذهبي صدقاتو په نامه ونډه اخیستې.”

دویم لامل د مالي مدیریت برخه کې د افغانستان د مخکیني حکومت له پېچلو سوفټویرونو د ط.. البانو ګټه اخیستنه او دغه راز  د  ”اختلاس” له منځه وړل بلل شوي، چې مخکینی حکومت ته یو لویه ننګونه وه.

دا په داسې حال کې ده، چې د نړیوالو اقتصادي مرکزونو د رپوټونو له مخې په افغانستان کې د ط.. البانو له واکمنېدو وروسته د دې هېواد اقتصاد نژدې څلوېښت سلنه کوچنی شوی چې اغېز یې د هېواد پر نوې سلنه نفوس لیدل کېږي.

ګڼ شمېر افغانان وايي، د هغو مالیو ورکولو توان نه لري، چې ط.. البانو حکومت پرې وضع کړې دي.