سږنې لوی اختر له ولس سره د ط.. البانو واټن په ډاګه کړ

په سږني لوی اختر کې ط.. البانو د سوداګرۍ او عاید تر څنګ، د بیت المال په پيسو د حج په مراسمو کې د ګډون هڅه وکړه، چې د مراسمو له مدیریت څخه راپورونه خپاره او د حکومت رول ادا کړي او له دې سره وښيي، چې ګویا عمومي بهیر مدیریت کولای شي.

خو هغه مراسم چې د ولس په پیسو، مخکې له مخکې په جوړو شویو سیسټمونو او په پخواني دود کېږي، له مخکینې دولت څخه د ورپاتې ټانکونو او موټرو وړیا مانورونو ته ورته دی، نه د حکومتولۍ ظرفیت ته.

د حج مراسم تل له رشوت، د عوایدو لوټلو، د ملګرو او خپل خپلوانو معرفۍ او د ونډې په نامه له شخصي استفادې سره مله دي.

د ط.. البانو په استبدادي او تړلي سیسټم کې د مالي رازونو په ډاګه کېدل معمول نه ده او نه شي پوهېدای چې د حج له بودیجې څومره پیسې شخصي او د حج په مدیریت کې د دخیلو ډلو جېبونو ته ولوېدې؛

خو حج ته د ط.. الب مسوولانو له تګ او د مـ.ـ.ـلا یعـ.ـقـ.وب له شکایته څرګندېږي، چې په دغو مراسمو کې پیسې حیف و میل شوې او نن سبا ډېری ط.. الب مسوولان د پيسو پر ټولولو، سوداګرۍ او سفر بوخت دي.

لوی اختر له ولس سره د ط.. البانو واټن وښووه. مـ.ـلا حـ.ـسن اخـ.ـونـ.د په ارګ کې د خپلې ډلې له غړو سره لمونځ وکړ او په کابل کې کرزی، عبدالله او نور مخور یې د اختر لمانځه ته ونه بلل.

د شوراګانو له استازو، غیرط.. الب ټولنیزو او سیاسي ډلو سره هم د اختر په ورځو کې د مـ.ـلا حـ.ـسن اخـ.وند د لیدنې کوم خبر خپور نه شو.

هغه چې د کابل د واکمن او د هېواد د ادارې د لومړي شخص پر کرسۍ ناست دی، د امنیت د ډاډمنتیا په اړه له تبلیغاتو سره سره بیا هم د نورو واکمنانو په شان عیدګاه جومات ته نه لاړ او د اختر په ورځو کې يې له کابل اوسېدونکو سره لیده کاته ونه کړل.

مـ.ـلا حـ.ـسن چې پراشوټي ارګ ته رسېدلی، د پلازمېنې له اوسېدونکو سره ګډه وجه او پراخه اړیکه نه لري.

ان په نولسمه پېړۍ کې چې جنرال، وایسراګان او د انګرېز نورو لاسپوڅو به کابل نیوه، په اخترونو کې يې کوښښ کاوه له خلکو سره وګوري، سړکونو ته ووځي، د مختلفو اقشارو استازو او مخورو ته دسترخوان هوار کړي، مـ.ـ.ـلا حـ.ـسن دا کار ونه کړ.