شپون او یخه ډبره – لنډه کېسه

یو شپون چې تل یې عادت درلود، چې په یوه ټاکلي ځای د ونې لاندی کښیناسته، تر څو وکولای شي چې د خپلو پسونو څارنه په ښه ټوګه وکړای شي.

 د ونې لاندی درې لویي ډبری وې چې شپون به تل د هغي لویو ډیرو څخه د اور د لګونې له پاره تری کار اخیسته او د ځان د پاره به یې چایی تیارولي، هر واری چې ده به د ډبرو په مینځ کې اور بل کړ. نو دې ته به متوجه شو چې یوه ډبره به په کې سړه وه ، با وجود د هغي نه چې اور به روښانه او په زور کې وو، خو دی په علت نه پوهیده، او دې حکمت ته ډیر حیران وو، او تل به یې پرې سوچ کاوه .

څو ځلي یې کوښښ وکړ چې که د ډبرو د ځای بدلون سره که څه بدلون راشي، نو د ډبرو ځایونه یې څو ځلي بدل کړل، خو بیا هم د زورور اور با وجود هماغه ډبره به سړه وه، تر څو یوه ورځ د خپلي ذهنې کنجاوۍ له امله و هڅول شو تر څو د دي ډبری د راز څخه خبر شي، نو بله ورځ یې ځان سره یو کلنګ راوخیست، او پر هغي یې ډبره دوه نیمه کړله، د ډبرې په مینځ کې یې په ډیر حیرت سره ولیده ،چې واړه موجودات لکه چینجي د ډبرې په مینځ کې ژوند کوي، نو مخ یې د آسمان په طرف کړ ،  په داسي حالت کې چې ټول صورت یې اوښکو پوښلي وو او وي ویل : ای مهربانه خدایه ! ته چې د یو چینجی په هکله دومره اندیښنه لرې او دومره غمخواری کوې، او د هغي د آرمتیا په فکر کې یې ،  نو وګوره چې ماته دې څه کړي دي.

خو ما تر اوسه د خپل وجود ډبره ماته کړې نه ده، تر څو زه په کې ستا نعمتونه ووینم.