کوبوټ

کوبوټCobot

بل نوم یې (collaborative robot) دی مانا یې له دوه یا ډېرو داسې برخو جوړ چې له یو بل سره مرسته یا همکاري کوي. داسې ربوټ دی چې له انسان سره په یوه ګډ چاپېریال کې د فعل او انفعال وړتیا لري. هغه روبوټونه کوم چې په صنعت کې له انسان څخه په جلا ځای کې کار ترې اخیستل کیږي له کوبوټ ربوټ سره توپیر لري. د دې لپاره چې چلند یې محفوظ وي د کم وزن توکي، ګرد کونجونه، د سرعت او ځواک محدودیت، سېنسورونه او ځانګړي سافټوېر پکې کارېدلي.

ربوټ دوه ډوله وي : یو صنعتي ربوټ وي او په صنعتي چاپېریال کې د اوتومات ماشین په توګه کار ترې اخیستل کیږي، بل د خدماتو ربوټ وي په کور او مسلک کې کار ترې اخیستل کیږي. کوم چې د خدماتو ربوټ وي کوبوټ ګڼل کیږي ځکه چې انسان سره یو چاپېریال کې چارې پر مخ وړي.

کوبوټ د ډېرو موخو لپاره کارېدلای شي لکه په عامه ځایونو کې د مالوماتو لپاره، لکه تعمیرونو کې د ټرانسپورټ او لوجیستیک لپاره، له بل صنعتي روبوټ سره د همکاري لپاره.

کوم چې صنعتي روبوټونه وي لاندې څلور ځانګړنې لري :

۱ – همکاري : له انسان سره کار کوي خو خپله کې ګډ کاري چاپېریال نلري.

۲ – متوالي همکاري : انسان او صنعتي روبوټ په یوه چاپېریال کې کار کوي خو په یوه وخت کې فعالیت نه کوي کله چې یو فعالیت پای ته ورسوي بل کار کوي.

۳ – یو بل ته ځواب ویونکې مرسته : د انسان خوځښت ته ځواب وایي.

۴ – همکاري : روبوټ او انسان دواړه په یوه چاپېریال کې په یوه ځای کې همکاران وي.

ډېری هغه صنعتي کوبوټ ربوټونه چې له انسان سره په یوه وخت او یوه چاپېریال کې دنده پر مخ وړي او یا یې همکاري متوالي وي په مستقله توګه فعالیت کوي.

کوبوټ په ۱۹۹۶ کې (J. Edward Colgate and Michael Peshkin) اختراع کړی وو. دواړه په (Northwestern University) پوهنتون کې پروفیسران وو