د ۲۰۱۴ کال په ټاکنو کې د امریکا د بهرنیو چارو د وزیر جان کیري په لاسوهنه ګټونکي او بایلونکي دواړو لورو ته د حکومت په سلو کې ۵۰٪ برخه ورکړل شوه، ګټونکي لوري او افغانانو فکر وکړ چې دې کې به مو خیر وي او وویل شول، پریږده چې دا څه کۍ!
د ۲۰۱۹ کال په ټاکنو کې هم ورته لوبه وشوه، په دومره توپیر چې دا ځل د امریکا د بهرنیو چارو وزیر پمپیو وویل چې یو میلیارد ډالر ګټونکي لوري ته مرسته نه ورکوي که بایلونکي لوري ته د حکومت په سلو کې د ۵۰٪ برخې سربېره، طالبانو سره د سولې د بهیر واک ونه سپاري. دلته هم ګټونکي لوري او افغانانو وویل چې دې کې به مو ګټه وي، پریږده چې دا څه کۍ!
د امریکا او طالبانو ترمنځ د سولې په دوحا تړون کې هم افغان حکومت هېر کړل شو او داسې وانګېرل شوه چې د حکومت له شتون پرته، د دوحا تړون به سوله راوړي. دلته هم نظر دا وو، پریږده چې دا څه کۍ!
کله چې د حکومت له موافقې پرته، د امریکا په وچ زور د طالب ۶۰۰ تنه بندیان خوشې شول، د افغانانو فکر بیا هم دا وو، ښه وشول پریږده چې دا څه کۍ!
له هېواد د امریکایانو په وتلو او تر کابل پرته، د طالب په لاس د ټولو ولایتونو په نېولو سره هم، پیاوړی باور دا وو، چې هېواد ته برکت راروان دی، پریږده چې دا څه کۍ!
د ۲۰۲۱ کال د اګست په ۱۵ مه، چې کابل هم د طالب لاس ته ولوید، ایله حکومت او افغانان پوه شول چې امریکا او طالبان څه کوي!
دلته وه چې حکومت او ټولنه کې ویده افغانان په سرخوري چې دا څه وشول؟ اوس یو بل ملامتوي او لکه د مچانو پشان په دواړو لاسونو سر مږي، خو هیڅ هم لاس ته نه ورځي.
پریږده چې دا څه کۍ، مفهوم په ښکاره د یوې ټوکې بار لري او کله ناکله د ملنډو پتوګه ترې ګټه اخیستل کیږي، خو په حققت کې زموږ د ټولنې د دود یو منفې اړخ بیانوي. افغانان چې د پرېوتون او وروستۍ ماتې برید ته نه وي رسېدلي؛ په پریږده چې دا څه کیږي، ځان تېرباسي!
د ۲۰۲۲ کال د سېپټمبر ۱۸ مه
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.