د ادبیاتو نوبل جایزه اني برونو ته ورکړل شوه

د ۲۰۲۲م کال د ادبیاتو نوبل جایزه فرانسوۍ ناول‌لیکوالي اني برونو ته ورکړل سوه.
هغې خپل احساسات داسي په تورو بدل کړل:
نوبل ګټلو بېخي حیرانه کړم. د لیکوالۍ په دې ټوله موده کي مي یې د وړلو سوچ سر ته لار نه وه کړې. دا جایزه بېشکه یو بې‌مثاله ویاړ دی، لیکن تر څنګ یې یو زښت دروند مسوولیت هم دی. تر دې وروسته به د حقیقت د دقیق غبرګولو لا ډېر کوښښ کوم.
اغلې برونو په ۱۹۴۰م کي د فرانسې په نورماندي کي زوکړې ده. لومړی ناول یې (تشي تاخچې) نومیږي چي په ۱۹۷۴م کي چاپ سوی دی. تر نوبل جایزې مخکي یې د (کلونه) په نامه ناول بوکر جایزې ته نوماند سو، خو ویې نه ګټله.
د دې په ناول‌لیکنه کي درې توکي ډېر بارز دي: خپلژوندلیک، ټولنیز خوځښت او هویت. همدا یې د لیکني سبک عمده ځانګړني هم شمېرل کیږي. سویډیش کمېټې یې په نوبل د نازولو یو لوی لامل په زړورتیا سره د خپل ژوند کیسه روایتول وباله.
(زما پلار او هغه ښځه) ناول یې د خپل ژوند له پېښو سرچینه اخلي. یو بل ډېر مشهور ناول یې (حالات) نومیږي چي د ورځنیو یادښتونو به بڼه لیکل سوی او د ۲۳کلونو په عمر د دې د ماشوم نقصانولو رښتینې کیسه رانغاړي. نور ناولونه یې: شرم، د یوې نجلۍ یادښتونه، کنګل سوې مېرمن، ساده شوق، د تورتم ژوند او د یوې ښځي کیسه نومیږي.
اثار یې تر لس زیاتو ژوندیو ژبو ته اوښتي دي. په سویډني ژبه یې هم درې څلور ناولونه سته. پاتریک موډیانو خو یې واقعن بده بلا وه، د دې یو دانه کتاب به هم ولولو او وبه ګورو چي په څومره اوبو کي ده 🙂
ورته مبارک دي وي!