یونېسف راروان ژمي کې ۱۱۱۰۰۰ اړمنو افغان کورنیو سره نغدي مرسته کوي

503

 د ژمي په رانږدې کېدو سره افغانستان کې د بشري ناروین د ژورتیا په اړه د اندېښنو په لړ کې د ماشومانو لپاره د ملګرو ملتونو ملاتړې ادارې (یونېسف) ویلي چې راروان ژمي کې به له ۱۱۱زره اړمنو کورنیو سره نغدي مرسته وکړي.

یونېسف پرون دوشنبه د لړم ۳۰مه پر خپله ټوېټرپاڼه لیکلي چې اوس افغانستان کې میلیونونه کسان د خپلو لومړنیو اړتیاوو د برابرولو توان نه‌لري او راروان ژمی به وضعیت نور هم کړکېچن کړي.

یونېسف له اړمنو کورنیو سره د نغدي مرستو دوام بې‌وزلو ته د رسېدنې او افغانستان کې د بشري ناورین د ژورېدو مخنیوي لپاره غوره لار ګڼلې او زیاته کړې یې ده چې ټول هېواد کې به د اړمنو کورنیو ملاتړ ته دوام ورکړي.

دا په داسې مهال دی چې پرون د سره صلیب نړیوال کمېټې ویلي چې افغانستان کې ۲۰ میلیونه کسان د خوړو له جدي کمښت سره مخ دي.

د سره صلیب د نړیوالې کمېټې عملیاتي مسوول مارټین شوب پر خپله ټوېټرپاڼه لیکلي چې افغانستان کې د توکو لوړې بیې او د کورنیو لږ عاید لامل شوي چې ګڼ‌شمېر خلک له سونزو سره مخ شي.

د نوموړي په وینا، افغانستان کې د منځنۍ کچې یوه کورنۍ د خپلو لومړنیو خوراکي توکو یوازې ۸۲سلنه برخه برابرولی شي او د نورو اړتیا د برابرولو لپاره ورسره پیسې نه پاتې کېږي.

دا په داسې مهال دی چې څه موده مخکې د ملګروملتونو سازمان ویلي و چې افغانستان کې ګڼ‌شمېر کورنۍ په راروان ژمي کې اړ دي چې د خوړو او د کورونو د ګرمولو ترمنځ یو انختاب کړي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.