په کابل کې د ښځو احتجاج د طالبانو له خوا سرکوبه شوی

449
31 دقیقې مخکې

د طالبانو له خوا د نجونو پر مخ د پوهنتونونو د درواز تړلو پریکړې پر ضد «د افغانستان د خودجوشه ښځو غورځنګ» غړو نن د پنجشنبې په ورځ په کابل کې مظاهرې وکړې، خو دغه مظاهرې د طالبانو له خوا سرکوبه شوي دي.

اعتراض کوونکي ښځې ادعا کوي چې طالبانو دغه مظاهرې له تاوتریخوالي سره سرکوبه کړي او پنځه تنه اعتراض کوونکي ښځې یې نیولي دي. ځينو سرچینو ویلي دي چې طالبانو څو خبریالان هم نیولي چې له دغو مظاهرو خبر جوړولو ته ورغلي ول.

اعتراض کوونکو د خلکو د ملاتړ را جلبولو په خاطر شعارونه ورکول چې «شریفو خلکو. ملاتړ، ملاتړ. یا ټول یا هیڅ یو کس.» مظاهره کوونکو همدارنګه د «تحصیل، کار او آزادي» شعارونه ورکول؛ هغه حقونه چې دغه اعتراض کوونکي ښځې یې په خپله هره مظاهره کې غوښتنه کوي.

د یو شمیر اعتراض کوونکو ښځو په وینا، طالب جنګیالیو پر مظاهره کوونکو برید وکړ، یو شمیر معتریضې ښځې یې ووهلې او پنځه یي له ځان سره بوتلې.

یوه له دغو اعتراض کوونکو دویچه ویله ته وویل: «پولیسي یي راوستلې وې او نجونې یې په دورو وهلې. اوس موږ تيښته وکړه، خو یو شمیر د طالبانو په بند کې دي او نه پوهیږم پایله به یې څه شي.»

د دغو مظاهرو یوې بلې ګډون کوونکي ژولیا پارسي، وویل چې د ۴۰ په شاوخوا کې نجونو او ښځو په دې مظاهره کې ګډون کړی و چې اکثره یي وهل او ډبول شوي دي او پنځه یي طالبانو له ځان سره بیولي دي: «طالبانو اعتراض کوونکي نجونې د خلکو له نظر څخه لیري کوڅو ته وړل او هلته یي په وهلو ډبولو سره په رینجر موټرو کې اچول.»

د طالبانو له خوا له لوړو زده کړو څخه د نجونو د منع کولو پریکړه، په هیواد کې دننه او په نړیواله کچه له تندو غبرګونونو سره مخامخ شوې ده.

لویدیځو هیوادونو، یو شمیر اسلامي هیوادونو او همدارنګه د بشري حقونو سازمانونو د طالبانو دغه پریکړه غندلې ده او په عاجل ډول یي د نجونو او ښځو پر مخ د پوهنتونو د دروازو پرانیستلو غوښتنه کړې ده.

شکیلا ابراهیم خیل – دویچه ویله

—————————————————————————————————–

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.