ایران غواړي افغان محصلیني ومني

په افغانستان کي د نجونو پر مخ د پوهنتون د دروازو تر تړلو وروسته، ایران غواړي افغان محصلیني ومني.

لکه څنگه چي د ایرنا دولتي خبري آژانس د سه شنبه په ورځ رپوټ ورکړی، د دې کار له پاره د تهران په پوهنتونونو کي د نورو ترڅنگ د افغان

محصلینو ته د تحصیلي مرستو بودیجه پنځه برابره لوړه سوې ده.

ایراني سیاستوالو په افغانستان کي د طالبانو له خوا د نجونو پرمخ د پوهنتونونو او نورو عالي مؤسسو د دروازو پر تړلو باندي سخت انتقادونه وکړل.

همدارنګه به تحصیلي فیس هم د افغان محصلینو له پاره راکښته سي. د ۲۰۲۱م کال په اګست کي واک ته د طالبانو د رسیدو راهیسي په افغانستان کي د ښځو له حقونو څخه سخته سرغړونه کیږي.

ښځي او نجوني اجازه نه لري په عام محضر کی حضور پیدا کړي. ایران هم یو اسلامي هیواد دی او د هغه پر سختو قوانینو باندي په وار وار انتقادونه کیږي. په تیره بیا په دغه اسلامي هیواد کي ښځي په سیستماتیک ډول له ټولنيز ژوند څخه محرومیږي.

د ایران حکومت په تیرو ورځو کي د هیواد په سطحه مظاهرو کي د وحشیانه دریځ له امله په نړیواله کچه تر سختو انتقادونو لاندي راغی. د دغو مظاهرو دلیل د سپتمبر مياشتي په نیمايي کي د پولیسو په توقیف کي د ژینا مهسا امیني وژل کیدل وو.

دغه کُردۍ ـ ایرانۍ د ایران د مذهبي پولیسو له خوا د پوړني پرضد اعتراض له امله ونیول سوه. ایران د لوړو زده کړو عصري سیستم لري چي پکښي تر ډیره ځایه ښځي او نجوني خپلي زده کړي پرمخ بیایي.

دویچه ویله

////////////////////////////////////////////////////////////////////////