آلمان غواړي افغان نجونو ته په بهر کې د تحصيل امکان برابر کړي

476
12 ساعتونه مخکې

د آلمان حکومت غواړي چې تر ۵۰۰۰ پورې افغان مېرمنو ته له افغانستان څخه د باندې د لوړو زده کړو امکان برابر کړي. د دې پروګرام د عملي کولو له پاره يو شمير هېوادونه په نظر کې نيول شوي دي.

زياته شوې چې په ټوله کې به دا پروګرام ښايي ۷ ميليونه يورو مصرف ولري چې په بهر کې به د آلمان د اکاډيميکو تبادلاتو موسسه چې لنډیز یې «ډي ای ای ډي» دی همکاري ورسره ولري.

د آلمان د پراختيايي چارو وزيرې سوينيا شولڅه د فونکه رسنۍ ته وويل: »د طالبانو سياست نه يوازې ښځو ته د حقارت په سترګه کتل، بلکې د دغه هېواد د پرمختګ له پاره هم زهر دی.»

نوموړې په خپلو خبرو کې وويل: »هغه څوک چې د ولس د نيمايي برخې د زده کړې او تعليم چانسونه ضايع کوي هغه د دغه هېواد د راتلونکي پوتنسيال غلا کوي.«

هغې زياته کړه چې د تعليم او مسلکي زده کړو په ګاڼه له سمبالو ښځو پرته له بې وزلۍ او لوږې څخه د وتلو هيڅ لاره نشته.

نوموړې وزيرې وويل چې کله ورته وضعيت بيرته د دې اجازه ورکړي نو په لوړو زده کړو سمبالې ښځې کولی شي د خپل هېواد په بيارغونه کې مرسته وکړي.

د «ډي ای ای ډي» موسسې مشر جويبرتو مکهرجي د افغانستان اوسنی وضعيت «ناوړه» وباله. هغه وويل چې په تېره بيا ځوانې ښځې سختې اغیزمنې دي او تر ډېره په ټولنیز ژوند کې د ونډې اخيستو جوګه نه دي.

طالبانو نږدې یوه میاشت وړاندې په پوهنتونونو کې تر امر ثاني پورې د نجونو پر زده کړو بندیز ولګاوه او دې پرېکړي يې په هیواد او دباندې سخت غبرګونونه له ځان سره لرل. همدا راز نجوني اجازه نه لري چې تر شپږم ټولګې پورته ټولګيو ته ولاړي شي.

 

////////////////////////////////////////////////////////////////////////

 

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.