د مور او پلار ټولنیز او اروایي فشارونه

د ماشومانو پر وړاندې د مور او پلار د نامناسب چلند بل لامل بېکارۍ، فقر، کلتوري کمزورتيا او د کور نشتوالى دى، چې له ماشومانو سره د مور او پلار سختو بدو کړنو او د فشار تاوتريخوالى او بدني تنبيه سبب کېږي. هغوى نه پوهېږي چې له ماشومانو سره څه ډول چلند وکړي. دا ډول مور او پلار په بېلابېلو سنونو کې له ماشومانو څخه له واقعيت نه لرې هيلې لري، د کورني څرنګوالي د بدلون بل لامل د مور او پلار بېلتون او د يوه يا دواړو مړينه چې د اولادونو د ودې په څرنګوالي کې سترې ستونزې رامنځته کوي. په هلکانو کې شونې ده چې ددغو ستونزو پايلې د ټولنې ضد کړنو لکه: له ښوونځي څخه تېښته، په نشه يي توکو روږدي کيدل او د نورو پر وړاندې د کړکېچونو کړنو سبب شي او په نجونو کې شونې ده، چې د فساد، سخته کينه، د بدو الفاظو کارول او زور زياتي لامل شي…
په هغو کورونو کې چې تل ستونزې لري، له بېلوالي وروسته هم دا ستونزې په بل ډول دوام پيدا کوي، ډېر زيان يې د اولادو په برخه وي.د مور او پلار ترمنځ چې هر څومره ستونزې زياتې وي، په همغه کچه لږ کولاى شي چې ښه مور او پلار پاتې شي; ځکه هغوى په جنګ تاوتريخوالي او د يو بل ته په نه پاملرنه کې ښکېل وي او هڅه کوي اولاد يو د بل مخې ته ودروي. دا ډول کورنۍ د هغو کورنيو پر وړاندې هوسا وي او حتا يو له مور او پلار څخه پکې شتون ونلري، شونې ده چې پر ماشومانو ډېر منفي اغېز وکړي پر دې بايد تأکيد وشي چې کورنۍ يو له هغو لاملونو څخه ده چې د ماشوم پر وده مستقيم اغېز کوي. د ماشومانو د دا ډول ستونزو حل او سالمه ښوونه او روزنه بايد بنسټيز ډول له ودې سره په مرسته د مور او پلار د معلوماتو د کچې په لوړولو په موخه ترسره شي.
څېړني ښيي چې نجونې له نهه څخه تر يولسو کالونو پورې ډېر تيز ذهن لري، په ماحول کې يې هر څه ته ډېر پام وي. که تاسو فکر وکړٸ په کوم ځاى کې چې نجونې اوسېږي خپل ځاى، کوټه، کور او حتا ځان ته ډېره پاملرنه کوي، خو هلکان بيا بر عکس وي هر څه بابېزه تېروي د هېڅ څه غم ورسره نه وي دغسې سر شاره ګرځي. د دواړو په په مديريت او کنټرول کې کورنۍ( مور او پلار) تر بل هر چا ډېر مسٸول دي، چې دوى وڅاري له بېکاره ملګرو، کړنو او عملونو څخه يې را وګرځوي، او په دې برخه کې توصيه ورته وکړي.کله چې د ځوانۍ مرحلې ته رسېږي( تر اتلس کلنۍ پورې) ښه وروزل شول، دلته بيا د دوى فکر او عقل نور هم وده کوي او پوختګۍ ته رسېږي، بيا په هر څه پوهېږي چې څه مې په ګټه او څه په زيان دي.