د یوه ډګرمن په ګډون د پاکستان پنځه تنه امنیتي سرتیري وژل شوي

553

23 ساعتونه مخکې

په سویلي وزیرستان او ډیره اسماعیل خان کې د وسله والو په دوو بریدونو کې پنځه امنیتي ځواکونه وژل شوي. تحریک طالبان پاکستان په سیمه کې فعاله دی، خو تر اوسه پورې کومې ډلې د دغو بریدونو مسئولیت نه دی منلی.

د بریتانیې خبري آژانس »رویټرز« په حواله د سه شنبې په ورځ د پاکستان په جنوبي وزیرستان کې له وسله والو سره په یوه نښته کې د پاکستان د داخلي استخباراتو ادارې (آی ایس آی) ډګرمن مصطفی کمال برکي وژل شوی دی.

د پاکستاني پوځ د عامه اړیکو څانګې (ISPR) د یوې اعلامیې په اساس ډګرمن مصطفی کمال له وسله والو سره د جګړې مشري کوله او په دې نښته کې ۷ تنه نور عسکر ټپیان شوي دي، چې په هغو کې د دوو حالت اوس هم ډیر د اندېښنې وړ دی.

د اطلاعاتو په اساس مصطفی کمال برکي له انګور اډې څخه د واڼا پر لور روان و چې د افغانستان سرحد ته نږدې کهمرنګ سیمه کې پرې وسله والو کسانو برید وکړ. د سیمه ایزو پولیسو په حواله دغه برید چې د ماښام په نږدې ۶ بجو ترسره شوی، د هغه ډریور یا د موټر چلوونکی هم په کې وژل شوی دی.

د پاکستاني پوځ د عامه اړیکو څانګې په اعلامیه کې راغلي چې ډګرمن مصطفی کمال برکي او د هغه ټیم په ډیرخ زړورتیا سره له ترهګرو سره مقابله وکړه او هغه د خپل هیواد له پاره خپل ژوند بایلود. په اعلامیه کې ویل شوي دي چې دفاعي ځواکونه او استخباراتي ادارې د هیواد په هر ګوډ کې د ترهګرۍ ناوړه پدیدې د ختمولو له پاره ژمن دي.

چارواکي وایې چې له دې برید مخکې په ډیره اسماعیل خان کې هم له ترهګرو سره نښته رامنځته شوې وه چې په لومړي سر کې امنیتي ځواکونو دری ترهګر لمنځه یوړل، خو په دې منځ کې دری تنه امنیتي ځواکونه هم وژل شوي دي.

Pakistan | Explosion in einer Moschee in Peshawar
د پيښور په یوه جومات کې د چاودنې په پایله کې تر ۱۰۰ ډيرو انسانانو خپل ژوند له لاسه ورکړی وانځور: Muhammad Sajjad/AP Photo/picture alliance

د پاکستان د پوځ د عامه اړيکو څانګه وایي چې وسله والو د مارچ د ۲۰ او ۲۱ ترمنځ شپه کې په کهوټي سیمه کې د پولیسو پر یوې پوستې ډزې وکړې، چې تر هغې سمدستي وروسته امنیتي ځواکونو سیمه محاصره کړه او د تیښتې ټولې لارې یې پر وسله والو بندې کړې او په سګو سیمه کې یې د هغوي مخه ونیوله.

په دغه ځای کې د ډزو په تبادله کې دری تنه ترهګر ووژل شول او وسلې او تجهیزات ترې ونیول شول. د پوځ په اعلامیه کې ویل شوي چې په سیمه کې د هر ډول ترهګرو د ختمولو له پاره عملیات ترسره کیږي.

په عام ډول له افغانستان سره په پوله دې سرحدي سیمه کې دا ډول بریدونه د پاکستان د تحریک طالبان له خوا ترسره کیږي، خو تر اوسه پورې هیڅ یوې ډلې د دې تازه برید مسئولیت په غاړه نه دی اخیستلی.

په دې سیمه کې د تیر کال له وروستیو څخه د افراطي اسلامپاله وسله والو په بریدونو کې زیاتوالی لیدل کیږي، په کوم کې چې د پيښور ښار په یوه جومات کې خونړی بمي برید هم شامل دی. په دې برید کې تر ۱۰۰ ډیرو انسانانو خپل ژوند له لاسه ورکړی وو چې اکثره یي پولیس مامورين ول.

په سیمه کې د ترهګرۍ د ختمولو له پاره روانو عملیاتو په جریان کې امنیتي ځواکونو په تیرو درو میاشتو کې د لږ تر لږه ۱۴۲ وسله والو د وژنې ادعا کړې ده. په دې موده کې امنیتي ځواکونو ۶۹۲۱ عملیات ترسره کړي دي چې په ترڅ کې یې تر اوسه پورې ۱۰۰۷ وسله وال نیول شوي دي.

دویچه ویله

 

*****************************************

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.