راپور: په نړۍ کي ۵۰ میليونه وګړي په «نوي غلامۍ» کي ژوند کوي

252
3 ساعتونه مخکې

د یو نوي راپور پر بنسټ په تیرو پنځو کالو کي د نوي یا عصري غلامانو شمېر په چټکۍ سره ډېر سوی دی. په دې برخه کي په نړيواله سطحه د شمالي کوریا او اریټریا نومونه د یادولو وړ دي.

په لندن کي د یوې خپرې سوي څېړني څخه، چي پرون چهارشنبه (د می ۲۴) نشر سوې معلومیږي چي په دې وروستیو کلنو کي د عصري یا نوي غلامۍ کچه څومره زیاته سوې ده.

د بشري حقونو د یو بنسټ «واک فري» له خوا د « ګلوبل سلیوري انډیکس» د معلوماتو پر بنسټ په ۲۰۲۱م کي ۵۰ میليونه وګړو په نړۍ کي د «نوي غلامۍ ژوند کاوه.»

که له پنځو کالو مخکنیو اټکلونو سره دغه شمېرې پرتله کړو، نو ویلای سو چي په دې برخه کي ۱۰ میليونه ډېروالی راغلی دی.

د دې لوړوالي ډېر دلیلونه سته، خو موږ يې د نورو سببونو ترڅنګ پراخیدونکي او پېچلي وسله والي جګړې، له چاپیریال سره تړلي مسایل، د کرونا وبا اغیزي او نور یادولای سو.

نوې غلامي څه شی ده؟

«واک فري» نوې غلامي داسي راپېژني: «د قانوني تصوراتو یوې داسي ټولګي ته ویل کېږي، چي په هغه کي په زوره مزدوري، ګروي، په زور ودونه او باید پوه سوو، چي عصري غلامي نور ډولونه هم لري، چي موږ يې یوه ښکاره بېلګه انساني قاچاق هم یادولای سو.»

د یاد بنسټ په خبره: «نوې غلامي په سترګو نه لیدل کېږي، خو د نړۍ په هر کونج کي د خلکو له ژوند سره اخښل سوې او هره ورځ خلګ خطاء باسي، ځوروي يې او داسي شرایطو ته اړ ایستل باسي چي هغوی يې نه سي پرېښولای.»

په راپور کي ویل سوي دي چي ۲۷.۶ میليونه خلک د جبري کار څخه کړیږي، ۲۲ میليونه وګړي بیا له خپلي خوښي پرته ودونه ژړوي یعني په نړۍ کي له هرو ۱۵۰ وګړو څخه نژدې یو وګړی له ورته غلامۍ څخه اغیزمن دی.

تر ټولو ډېره غلامي چیري ده؟

راپور زیاتوي د شمالي کوریا په « زرو وګړو کي ۱۰۴ کسان» په اریټیریا کي « ۹۰.۳» او په موریطانیا کي له زرو کسانو څخه «۳۲» يې د نوي غلامۍ ژوند لري چي دا تر ټولو لوړه شمېره ده.

سعودي عربستان، ترکیه، متحده عرب امارات او کویټ هم د ۱۰ هغو هیوادونو د فهرست کي شامل دي، چي د راپور په وینا «د دغو هیوادونو په ټولنیز، سیاسي او اقتصادي چارو کي یو شمېر بشري او مدني محدودیتونه هغه ځانګړتیاوي دي، چي دوی يې یاد فهرست ته ور شامل کړي دي.»

په راپور کي ویل سوي دي، چي یادو هیوادنو ته څېرمه په ډېرو سیمو کي شخړي، سیاسي بې ثباتي او د جمهوریت نستوالی هم هغه څه دي، چي په دغو هیوادونو کي يې ډېری خلګ کډوالۍ او وطن پرېښولو ته اړ کړدي، چي «له دغو بې کوره او بې اوره وګړو څخه بیا په نڅه بیه کار اخیستل یا استثماریږي.»

راپور زیاتوي چي په ځینو هیوادونو کي، حکومتونه خپل خلک په ځینو دفترونوکي په زور په دندو ګوماري دا حالت نو داسي وي لکه هغوی چي کټ مټ په شخصي زندان کي اوسي.

ان د یاد راپور له مخي په « جي ۲۰» هیوادونو کي هم ډېر خلک داسي دي چي هغوی په استحصالي حالت کي ژوند کوي د همدغه راپور پر بنسټ په هندوستان کي ۱۱ میلیونه، په چین کي ۵ میليونه او ۱۸ لکه وګړي د دې بلا په منګولو کي ګير دي.

دویچه ویله

***************************************

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.