د طالبانو مشر د حکومت کابېنې، په ځانګړې توګه د مخابراتو او تکنالوژۍ او اطلاعاتو او فرهنګ وزارتونو ته سپارښتنه کړې چې د فیسبوک د محدودولو یا بندولو او په هغه کې د مضرو مطالبو د بندولو یوه طرحه تياره کړې ده.
په دې ارتباط د طالبانو د حکومت په یو مکتوب کې راغلی دي: «د فیسبوک د محدوديت یا بندیز له پاره تاسو د ذیربط ادارو سره په هماهنګي یوه طرحه جوړه کړئ.» په مکتوب کې زیاته شوې که په دې ارتباط «څه اندازه مصارفو» ته اړتیا وي، هغه دې هم ورکړل شي.
د طالبانو د اطلاعاتو او فرهنګ وزارت د نشراتو معین، حیات الله مهاجر فراهي، دویچه ویله ته د طالبانو د مشر له خوا دغه سپارښتنه تائيد کړه او وې ویل چې دا د طرحې او وړانديزونو په سطحه کې ده: «د وړانديز او طرحې په حد کې ده، حکم نه دی.»
طالبانو د ۲۰۲۱م کال د اګست په نیمايي کې پر افغانستان تر بیا واکمنېدو وروسته، د رسنیو پر نشراتو یو لړ محدودیتونه لګولي دي. په حاضر وخت کې د افغانستان خلک خپلې نېوکې او نظرونه تر ډېره د ټولنیزو رسنيو، په تېره د فیسبوک له لارې شريکوي.
د خلکو په خبره، په اوس وخت کې د لېرو پرتو سیمو او کلیو اوسیدونکي هم فیسبوک ته لاسرسی لري او له دې لارې له پېښو ځانونه خبروي.
د محمد په نوم يو افغان وويل چې ډېر خلک د ټولنیزو رسنیو له لارې له يو بل سره په اړيکو کې دي او له همدې لارې معلومات لیږدوي، که طالبان فیسبوک بند یا پرې محدویت وضع کړي، نو بیا به خلک ونشي کړای د خپلو ستونزو په اړه څه ووايي. محمد زیاته کړه: «دا د بیان آزادۍ له پاره د خطر یو زنګ دی. طالبان غواړي چې ټولنه سکوت پر لور بوځي.»
د رسنیو یو شمیر فعالان وايي چې طالبان په دې هڅه کې دي تر څو افغانستان پر يو آرام او له جنجالونو پرته هیواد بدل کړي او خلک ونشي کړی نېوکې او شکایت ولري.
د رسنیو یو فعال، محمد رجا دویچه وېله ته سره په خبرو کې وويل چې طالبانو واک ته تر رسېدلو وروسته خبریالان ونيول، زنداني او شکنجه ېې کړل او دغه راز د یو شمېر رسنيو دروازې ېې وتړلې او د یو شمیر نورو هغو خپرونې ېې محدودې کړي.
رجا زیاتوي: «طالبانو رسنۍ محدودې کړې، اوس غواړي فېسبوک هم محدود کړي، په داسې حال کې چې شاوخوا ۸۰ سلنه خلک ټولنیزې رسنۍ په خصوص فیسبوک کاروي او له دې لارې خپلې ستونزې شریکوي.»
دویچه ویله
**************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.