په نړۍ کې د افغان کډوالو تازه شمېرې، د کډوالو ستونزې څه دي؟

386
محمد اسماعیل شاکر- دویچه ویله

23 ساعتونه مخکې

د ملګرو ملتونو د کډوالۍ سازمان وايي، د بې ځایه شویو افغانانو شمېر تر ۹ میلیونه واوښت. یوشمېر هغه افغانان چې دا مهال لویدیځ کې د پناه غوښتنې په تمه پاکستان او ایران کې دي څه وايي؟

د ملګرو ملتونو د کډوالۍ سازمان یا UNHCR تازه شمېرې ښيي چې شاوخوا ۹،۲ میلیونه افغانان د نړۍ په ګوټ ګوټ کې بې ځایه شوي دي.

ملګرو ملتونو دغه شمېرې په خپله ټویټرپاڼه خپرې کړي، چې ښيي یواځې ۳،۲۵ میلیونه افغانان په کور دننه بې ځایه شوي.

د نویو شمېرو له مخې، همدااوس شاوخوا ۲۹۵ زره افغانانو د نړۍ په بیلابیلو هېوادونو کې د کډوالۍ غوښتنلیکونه ورکړي.

ناامنۍ، بې روزګاري او سیاسي ناکراری له افغانستانه د کډوالۍ ستر عوامل بلل کیږي، سره له دې چې یادو ستونزو له تېرو څو لسیزو د دغه هېواد لمن نېولې، خو د ۲۰۲۱ میلادي کال په اګست کې چې کله طالبان دویم ځلې واک ته ورسېدل له دغه هېواد د کډوالۍ او تېښتې څپه لاپسې تېزه شوه.

په ایران کې د یوې افغان کډوالې کېسه 

۲۷ کلنه نازنین نوري له تېرو شپږو میاشتو په ایران کې په کوم لویدیځ هېواد کې د کډوالۍ له غوښتنلیک سره لالهانده ژوند کوي.

دا وايي، کابل کې یې له رسنیو سره کار کاوه خو د طالبانو په راتګ سره یې هلته ژوند سخت شو.

هغې په خورا ژړا او ساندو سره دویچه ویله ته د خپلې کډوالۍ کېسه وکړه.

«زه یو له هغو کسانو څخه یم چې په کابل کې په یوه برید کې ژوبله شوم، خپل هېواد راته ګران ؤ نه مې غوښتل وطن پرېږدم، خو کله چې طالبان راغلل ګواښونه راته ډېر شول، کور ته راپسې راغلل چې ماسره یې مستنده ویډیو هم شته په مرګ یې وګواښلم نو زه مجبوره شوم چې ایران ته راوتښتم، خپل کور او کورنۍ پرېږدم.»

دا افغان خبریاله چې پروینا یې لس کاله یې له رسنیو سره کار کړی خو اوس په خورا سختو شرایطو کې ژوند کوي.

نوري وویل، تهران کې د بیلابیلو هېوادونو سفارتونو ته په ایمیلونو ستړې شوې، خو هیڅ یو هېواد ورسره د مرستې ژمنه نه ده کړې.

«د پاڼ او پړانګ ترمنځ»

دې زیاته کړه:«دنده نشته، کور نشته، بې سرپرستي ده، د کور مسؤلیت هم راپه غاړه دی او هیڅوک مو غږ نه اوري.»

دې وویل د ژوندانه دغو سختو شرایطو له روانې ستونزو سره مخ کړې ده.

«اوس زه نه دلته پاتې کیدای شم او نه هم بیرته افغانستان ته تللی شم، له ما لاره ورکه ده.»

اغلې نورې وايي په ایران کې ډېر داسې افغانان پیژني چې ان له څه کم دوه کلونو د بهرنیو هېوادونو د ویزو په تمه شپې او ورځې سبا کوي.

د ۲۰۲۱ میلادي کال په اګست کې چې کله طالبان بیا واک ته ورسېدل د امریکا او آلمان په ګډون یوشمېر نورو لویدیځ هېوادونو خپل ځايي کارکوونکي او ځیني هغه افغانان چې فکر یې کاوه ژوند یې په خطر کې دی له افغانستانه واېستل.

اوس مهال په زرګونو دغسې افغانان چې د تخلیې له عملیاتو پاتې شوي پاکستان، ایران او د مرکزي آسیا ځینو هېوادونو کې د ویزو په تمه دي.

***************************************

 

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.